მეცნიერები იმედოვნებენ, რომ „მოდერნას“ ვაქცინებმა, კოვიდის შემდეგ, შეიძლება გარღვევა მოახდინონ კიბოს, როგორც სასიკვდილო დაავადების, წინააღმდეგ ბრძოლაში.
mRNA-ზე დაფუძნებული მედიკამენტების პირველი კლინიკური კვლევები Covid-19 ვაქცინების შემუშავების დროს, BioNTech/Pfizer-ისა და Moderna-ს მიერ ჩატარდა, თუმცა ეს ტექნოლოგია მრავალი წელია არსებობს, იმ დაავადებებს შორის, რომელთა დამარცხებასაც მეცნიერები ამ მედიკამენტების დახმარებით იმედოვნებენ, ერთ-ერთი ყველაზე საშიში კიბოა. პუბლიკაციას Deutsche Welle აქვეყნებს.
მოდერნას კიბოს საწინააღმდეგო mRNA სატესტო ვაქცინა იმავე ტექნოლოგიით შეიქმნა, როგორც კორონავირუსის ვაქცინა. მკვლევრების თქმით, mRNA კიბოს ვაქცინა იმუნურ სისტემას ავარჯიშებს, რომ კიბოს უჯრედების ზედაპირზე სპეციფიკური ცილა ამოიცნოს, ანუ მეცნიერების მიზანია იმუნურ სისტემას კიბოს ამოცნობა ასწავლოს.
კვლევის შუალედური შედეგებით, „მოდერნას“ ვაქცინა ყველაზე მომაკვდინებელი კანის კიბოს რეციდივის განვითარებას 44%-ით ამცირებს. მიმდინარე კვლევაში 157 პაციენტია ჩართული, რომელთაც მელანომის III-IV სტადია აქვთ.