ამერიკული ფარმაცევტული კომპანიის Moderna გენერალურმა დირექტორმა სტეფან ბენსელმა განაცხადა, რომ „გონივრული იქნება ვივარაუდოთ, რომ მსოფლიო კორონავირუსის პანდემიის ფინალურ სტადიას უახლოვდება“.

„80%–იანი ალბათობაა იმისა, რომ ომიკრონ–შტამის გავრცელების გათვალისწინებით, სულ უფრო ნაკლებ ვირულენტურ ვირუსებს ვიხილავთ“, – უთხრა ბენსელმა CNBC-ს.

ამასთან, კომპანიის გენდირექტორი მიიჩნევს, რომ დარჩენილი 20%–ის შემთხვევაში შემდგომი შტამები უფრო საშიში იქნებიან.

„ფაქტია, რომ ვირუსი არსად გაქრება. ის ადამიანებთან სამუდამოდ დარჩება როგორც გრიპი და მასთან თანაცხოვრება მოგვიწევს“, – თქვა მან.

სტეფან ბენსელმა ასევე აღნიშნა, რომ მისი კომპანია გრიპისა და კორონავირუსის საწინააღმდეგო კომბინირებულ ვაქცინას ამუშავებს, რომელიც, სავარაუდოდ, 2023 წლის აგვისტოსთვის იქნება მზად.