უკვე ორი წელია რაც თბილისში, ბეთლემის 10 ნომერში მდებარეობს სივრცე, სადაც ყველა წესი და სტანდარტი ირღვევა. თბილისის ისტორიულ უბანში მისული ადამიანი ილუზიების სამყაროში იწყებს მოგზაურობას და უცნაურ და საინტერესო აღმოჩენებს გააკეთებს. საქართველოს დედაქალაქი მეთხუთმეტე ქალაქია აღმოჩნდა, სადაც ილუზიების მუზეუმი გაიხსნა. მისი გახსნის იდეა ლადო ჩალათაშვილს ეკუთვნის. ილუზიების მუზეუმის აღმასრულებელი დირექტორი „კომერსანტთან“ საუბარში ჰყვება, თუ როგორ გაჩნდა იდეა – თბილისში ალტერნატიული გართობის ადგილი შექმნილიყო:

„როდესაც ტურისტული ბიზნესი ჩვენთან აქტიური იყო, სასტუმროს გაკეთება გვინდოდა. მას შემდეგ, რაც ამ მიზნისთვის შენობა მოვიპოვეთ და კვლევები ჩავატარეთ, ვნახეთ, რომ ირგვლივ ძალიან ბევრი სასტუმრო იყო, თუმცა ფულის ხარჯვის დეფიციტი იყო. არ იყო ობიექტები, სადაც ადამიანები მივიდოდნენ და ფულს დახარჯავდნენ, სწორედ აქედან გაჩნდა მუზეუმის გაკეთების იდეა. გამზადებული, 21 ნომრიანი სასტუმრო დავშალეთ და გადავეწყვეთ კერძო სამუზეუმო ბიზნესზე. ძიებაში, თუ როგორი ტიპის მუზეუმი შეიძლებოდა გაგვეკეთებინა, ხორვატიაში ილუზიების მუზეუმი ვიპოვეთ, ვიყიდეთ ფრანშიზა და საქართველოში გადმოვიტანეთ.

მუზეუმის გახსნას ძალიან დიდი გამოხმაურება მოჰყვა, თუმცა ეს გამოხმაურება გამოიწვია არა იმან, რომ მუზეუმში რაღაც უნიკალურია, რასაც სხვაგან ვერსად ნახავთ, არა, ამ მუზეუმში რაც კი ვიზუალური ილუზიებია გამოფენილი ეს ყველაფერი ისედაც ნანახი გვაქვს. რაღაცები ფიზიკაში ვისწავლეთ, რაღაცები ინტერნეტში გვინახავს. უბრალოდ ვიღაცამ მოიფიქრა ამ ყველაფრის რეალურ სამყაროში გადმოტანა და ეს ვიზუალური ილუზიები ერთად შეკრიბა. მთელი ხიბლი ამ მუზეუმის არის იმაში, რომ იქ მოსული მშობელი და ბავშვი ერთად ერთობიან. ყველაზე მთავარი კი არის ის, რომ ყველა იღებს ფოტოს, მარკეტინგულად ეს ყველაფერი შენგან დახმარებასაც კი არ საჭიროებს“, - გვიყვება ლადო ჩალათაშვილი.

პროექტი სრულად ქართული ინვესტიციით განხორციელდა და მასში 700 000 დოლარი ჩაიდო. ლადო ჩალათაშვილი ამბობს, რომ ძლიერ და სტაბილურ საფინანსო ინსტიტუტთან ურთიერთობა სჭირდებოდა. სწორედ ამიტომ, მუზეუმის გახსნიდან ექვს თვეში მოლაპარაკებები „ვითიბი“ ბანკთან დაიწყო. სწორი და ადვილი კომუნიკაციის შედეგად მრავალწლიანი თანამშრომლობა დაიწყო:

„ბანკისგან კარგი შეთავაზება მივიღეთ, რომელსაც დავთანხმდით. ნებისმიერი ბიზნესისთვის საფინანსო ინსტიტუტებს ძალიან დიდი მნიშვნელობა აქვს, თუნდა ინვესტიციების დაზღვევის და ბიზნესის გაფართოების თვალსაზრისით. ბიზნესს, რომელსაც შემოსავალი აქვს და რომელიც აჩვენებს იმ ტენდენციას, რომ წლების განმავლობაში შეუძლია გაუძლოს ბაზრის სხვადასხვა ტურბულენტობას. ასეთ შემთხვევაში ბანკისგან დაზღვევა თუ არ გაქვს ჩათვალე დაღუპული ხარ, რადგან როგორი დიდი ბიზნესიც არ უნდა იყო ქეშის რესურსით თავს ვერ გაიტან“, - განაცხადა ლადო ჩალათაშვილმა.

ფინანსური ინსტიტუტისა და ბიზნესთან თანამშრომლობა რომ ძალიან მნიშვნელოვანია, ამას ადასტურებს „ვითიბი“ ბანკის მცირე და საშუალო ბიზნესის სამმართველოს ხელმძღვანელი არჩილ ჩაჩხიანი. მისი თქმით, საქართველოს ეკონომიკა მცირე და საშუალო ბიზნესის განვითარებაზე დგას. ჩაჩხიანის განმარტებით, რაც უფრო მეტად იქნება განვითარებული ბიზნესი სექტორი, ეკონომიკა მით უფრო გაიზრდება. სწორედ ამიტომ ბიზნესის #1 ქომაგმა, „ვითიბი“ ბანკმა საინტერესო იდეის მხარდაჭერა გადაწყვიტა.

„უკვე ორი წელია რაც „ვითიბი“ ბანკი ბიზნესის #1 ქომაგია, ქომაგობა კი გამოიხატება იმაში, რომ ჩვენ უზრუნველვყოფ მათ მხარდაჭერას როგორც სესხით ასევე სხვა პროდუქტების სახით. ერთ-ერთი ასეთი ბიზნესი არის ილუზიების მუზეუმი, რომელიც გამორჩეულია იმით რომ არის სტარტაპი. 2019 წელს, როდესაც კლიენტი ჩვენთან მოვიდა პრაქტიკულად იყო მხოლოდ იდეა, შექმნილიყო მუზეუმი სადაც, თავმოყრილი იქნებოდა ექსპონატები სხვადასხვა მუზეუმიდან, რომლებიც ქმნიან ილუზიას. თუმცა, ეს არ არის მარტო ილუზიების მუზეუმი, აქ არის ასევე ჰოლოგრამების მუზეუმი, რომელსაც საგანმანათლებლო ფუნქცია აქვს. შესაბამისად ყველა სტუმარს შეეძლება ზოგადი განათლება მიიღოს. იდეა იმდენად მომხიბვლელი და ქართული იყო ჩვენ გადავწყვიტეთ, რომ პროექტი აუცილებლად უნდა დაგვეფინანსებინა.რაც უფრო მეტი ბიზნესი განვითარდება და შექმნის ეკონომიკურ დოვლათს ამ ქვეყანაში მით უფრო განვითარდება საქართველოს ეკონომიკა, რაც ასევე დადებითად იმოქმედებს ბანკზე. ამ კუთხით ვუყურებთ სიტუაციას და ჩვენი წვლილი შეგვაქვს ქვეყნის ეკონომიკის განვითარებაში“, - აცხადებს არჩილ ჩაჩხიანი.

®