„მწვანე დაფინანსებაზე“ მოთხოვნის ზრდისა და გაყიდვების სტიმულირების მიზნით კრისტალმა ახალი, ინოვაციური ტექნიკის გამოყენება დაიწყო. 

VR  სათვალეში ვირტუალური რეალობის ვიდეოა ჩაწერილი, რომლის დახმარებით მომხმარებლები საინტერესო და სახალისო გზით მიიღებენ  ინფორმაციას „მწვანე სახლში“ შემავალი პროდუქტების დადებითი მახასიათებლების შესახებ, რაც დაეხმარება მათ ნივთის შეძენისას არჩევანი მათი სარგებლის გათვალისწინებით, სწორედ ენერგოეფექტურ პროდუქტებზე გააკეთონ.

აღნიშნული პროექტი მწვანე ალტერნატივებზე საზოგადოების ინფორმირების კუთხით ერთ-ერთი ინოვაციურია. პროდუქტი მომზადდა კრისტალის პარტნიორის GGF - ის დაფინანსებული მარკეტინგული კამპანიის ფარგლებში, რომელიც მიზნად ისახავს მომხმარების ცნობიერების ამაღლებას და მოტივაციას, რომ კრისტალის დახმარებით შეიძინონ ენერგოეფექტური/განახლებადი ენერგიის პროდუქტები.

VR სათვალეების მორგების შემდეგ მომხმარებლები აღმოჩნდებიან „ მწვანე ქუჩაზე“, სადაც ყველა შენობა მწვანე ტექნოლოგიითაა აგებული. ანიმაციის გმირების პირადი გამოცდილების გაზიარების საფუძველზე, ისინი მიიღებენ ინფორმაციას თუ რა რაოდენობით კომუნალური ხარჯის დაზოგვაა შესაძლებელი ყოველთვიურად ამა თუ იმ ენერგოეფექტური და განახლებადი ენერგიის პროდუქტების გამოყენებით, თუ რა გზითაა შესაძლებელი უსაფრთხო და სუფთა გარემოს შექმნა, CO2- ის გაფრქვევის შემცირება და დედამიწაზე ზრუნვაში წვლილის შეტანა.

კრისტალის „მწვანე დაფინანსების“ ფარგლებში ფინანსდება ისეთი მწვანე ალტერნატივები, როგორიცაა ენერგოეფექტური საყოფაცხოვრებო ტექნიკა, ეკო-მეგობრული სამშენებლო მასალები, განახლებადი ენერგოტექნოლოგიები, გათბობის ენერგო ეფექტური საშუალებები, ჰიბრიდული და ელექტრო ავტომანქანები, CNG სისტემები, სარწყავი სისტემები და სხვა.

„მწვანე დაფინანსების“ მიმართულება ორგანიზაციაში ჯერ კიდევ 2017 წელს გაჩნდა. პროექტი გულისხმობს მომხმარებლებისთვის მწვანე ალტერნატივების შეთავაზებას და ეკომეგობრული, გარემოსთვის ნაკლებ საზიანო პროდუქტების დაფინანსების ხელშეწყობას. ამით კრისტალი ცდილობს საკუთარი წილი პასუხისმგებლობით და მზრუნველობით, შეამციროს გარემოზე მავნე ზემოქმედება.

რეალობაზე მორგებულ საკრედიტო შეთავაზებასთან ერთად, „კრისტალი“ ინფორმაციას აწვდის მოხმარებელს მწვანე პროდუქტების ეკონომიური და ეკოლოგიური სარგებლის შესახებ, ხელს უწყობს მწვანე პარტნიორების ქსელის განვითარებას, უბიძგებს მოსახლეობას გონივრული მოხმარებით ენერგიის და ფინანსების დაზოგვისკენ და მოუწოდებს მათ,  გახდნენ უფრო ეკო-მეგობრულები.

(R)