მოლაპარაკებებზე რუსეთის წინააღმდეგ დაწესებული სანქციების გაუქმების საკითხი არ განიხილება - ამის შესახებ უკრაინის პრეზიდენტის ადმინისტრაციის ხელმძღვანელის მრჩეველმა, მიხაილო პოდოლიაკმა განაცხადა.
მისი თქმით, უკრაინას თეორიულადაც არ შეუძლია რუსებთან სანქციების გაუქმების განხილვა, რადგან ეს საერთაშორისო პარტნიორებზეა დამოკიდებული.
"უპირველეს ყოვლისა, გაოცებას იწვევს ლავროვის მიდრეკილება, გააკეთოს კომენტარი იმაზე, რაშიც არ მონაწილეობს და შიგნიდან ვერ ხედავს.
მეორე - დენაციფიკაცია და რუსული ენის სტატუსი რუსულმა არმიამ უკვე განიხილა უკრაინელებთან ბუჩაში, ვოლნოვახაში, ჰოსტომელში, ხარკოვსა და რა თქმა უნდა, მარიუპოლში. ყველა დასკვნა სამუდამოდ ჩაიწერა ისტორიაში უდანაშაულო უკრაინელების სისხლით.
მესამე - მოლაპარაკებების ფარგლებში, საერთოდ არ განიხილება სანქციების პრობლემატიკა, რადგან ამ დრომდე არ არის აღმოფხვრილი მსოფლიო საზოგადოების მხრიდან მათი დაწესების მიზეზი, კერძოდ, უკრაინის ტერიტორიის ნაწილი ოკუპაცია და ჩვენი სუვერენიტეტისა და ტერიტორიული მთლიანობის უხეში დარღვევა," - ამბობს პოდოლიაკი.
ცნობისთვის, პოდოლიაკი გამოეხმაურა რუსეთის საგარეო საქმეთა მინისტრის, სერგეი ლავროვის განცხადებას, რომ სანქციების მოხსნა, ასევე უკრაინის დენაციფიკაცია, დემილიტარიზაცია და რუსული ენის სტატუსი მოლაპარაკებების ნაწილია.
წყარო: "მთავარი არხი"