მოლდოვის პრეზიდენტის მაიას სანდუს განცხადებით, ახლა ქვეყანას რეალურად არ ჰყავს ბრძოლისუნარიანი არმია და ეს მდგომარეობა უნდა შეიცვალოს.ამის შესახებ მან ეროვნული არმიის გენერალური შტაბის შექმნის 30 წლის იუბილესა და სახელმწიფო დროშის დღესთან დაკავშირებით გამოსვლისას განაცხადა.

"30 წლის განმავლობაში მოლდოვის არმია ტექნიკის, სამხედრო აღჭურვილობისა და საბრძოლო მზა საშუალებების გარეშე იყო. ახლა ჩვენ ვიცით შედეგები", - განაცხადა მაია სანდუმ ცერემონიის დროს.

პრეზიდენტმა აღნიშნა, რომ მოლდოვას „არ აქვს ეფექტური ფარი საფრთხის წინააღმდეგ, რადგან მას არ აქვს განვითარებული შესაბამისი სამხედრო პოტენციალი, არ შეუქმნია კრიტიკული ინფრასტრუქტურის ელემენტები და არ განუვითარებია სოციალური მდგრადობა“.

მან განაცხადა, რომ ამავდროულად, მოლდოველი სამხედროები, რომლებიც მონაწილეობენ გაეროს და ეუთოს ეგიდით დაქვემდებარებულ სამშვიდობო მისიებში, სარგებლობენ პროფესიონალების რეპუტაციით.

მაია სანდუს თქმით, კარგად გაწვრთნილი არმია ქვეყანას აძლევს თავდაჯერებულობას და სტრატეგიული არჩევანის თავისუფლებას და მოლდოვამ ყველა ღონე უნდა გამოიყენოს პროფესიონალი თანამედროვე არმიის შესაქმნელად.

„ეს არის ინვესტიცია ქვეყნის უსაფრთხოებასა და დაცვაში... ახლა, როცა ჩვენს საზღვრებთან ომი მიმდინარეობს, ჩვენ ეს კარგად გვესმის“, - ხაზგასმით აღნიშნა მან.

ipn.ge