რუსეთის უკრაინაში შეჭრიდან 6 თვის თავზე ინფლაციური შოკი კვლავ გრძელდება. ამას გარდა რუსეთის მხრიდან მიწოდების შეფერხების გამო ბუნებრივ აირზე ფასი კვლავ გაიზარდა, თუმცა ამის მიუხედავად მარცვლეულის და ზეთის ფასები, რომელიც კვების რაციონის ყველაზე მნიშვნელოვანი პროდუქტებია ომამდელ ნიშნულს უბრუნდება - ამის შესახებ ინფორმაციას გამოცემა The Economist ავრცელებს.

რუსეთი და უკრაინა მარცვლეულის, ხორბლის და ზეთის ერთ-ერთ უდიდესი ექსპორტიორები არიან, ამიტომაც გასაკვირი არ იყო, რომ თებერვალსა და მარტში ექსპორტის  შეფერხების  შიშით ამ პროდუქტებზე ფასები გაიზარდა.

გასულ კვირას ხორბლის ფიუჩერსის ფასმა დეკემბერში ჩიკაგოში გადაზიდვისთვის ერთ ბუშელზე 7,70 დოლარი შეადგინა, რაც გაცილებით დაბალია სამი თვის წინანდელ 12,79  დოლარზე. სიმინდიც ფასიც ომამდელ ნიშნულს დაუბრუნდა. რაც შეეხება პალმის ზეთს, მისი  ფასი არა მხოლოდ  ომამდე  მაჩვენებელზე, არამედ მის ქვემოთაც ჩამოვიდა.

გაერთიანებული ერების ორგანიზაციის შუამავლობით გაფორმებული ბოლო  შეთანხმებას, რომელიც უკრაინული მარცვლეულის ექსპორტს ოდესის პორტის დატოვების საშუალებას აძლევს, მცირე წვლილი მიუძღვის ფასის შემცირებაში, რადგან ის ივლისის ბოლოს, ფასების კლების შემდეგ დაიდო. აშშ-ის  სოფლის მეურნეობის  დეპარტამენტი ვარაუდობს, რომ რუსული მეურნეობები, რომლებიც  არ  შეფერხებულან 2022-2023 წლებში 38 მლნ  ტონა ექსპორტს  განახორციელებენ,  რაც წინა  წელთან  შედარებით  2 მილიონი  ტონით მეტია.

დეფიციტზე წუხილი  შესაძლოა  თავიდანვე  გადაჭარბებული იყო, Renaissance Capital - ის წარმომადგენელი ჩარლზ რობერტსონი  თავიდანვე ამტკიცებდა, რომ მარცვლეულით მოვაჭრეები ზედმეტად იყვნენ  აღელვებულები და არასწორად აჯგუფებდნენ ნავთობისა და გაზის გრძელვადიან შეფერხებას და საკვებს მიწოდების ნაკლებად სავარაუდო  გახანგრძლივებულ შეფერხებას.  ”ხორბლის გლობალური მარაგი უკიდურესად მაღალი იყო, - აღნიშნავს რობერტსონი.

ისტორიული სტანდარტებით ფასები ომამდეც ძალიან მაღალი იყო და არ არსებობს გარანტია იმისა, რომ ის აღარ  გაიზრდება. გვალვები მსოფლიოს უმეტეს  ნაწილზე მოსავლიანობაზე გავლენას მოახდენს. გარდა ამისა  აღსანიშნავია, რომ სასუქები კვლავაც  ძვირია.  ამჟამად  მათი  ფასი   ტონაზე 680 დოლარს  შეადგენს, აპრილის შუა  რიცხვებში მისი  ფასი  ტონაზე  - 955 აშშ დოლარი იყო,  თუმცა  დღეს არსებული ფასი ერთი  წლის  წინანდელ ფასს  მნიშვნელოვნად  აღემატება  .