რიკოთზე მსუბუქი სატრანსპორტო საშუალებებისთვის მოძრაობა დღესაც დილის 7:00 საათიდან აღდგა. როგორც საავტომობილო გზების დეპარტამენტის ხელმძღვანელი გიორგი წერეთელი აცხადებს, მომატებულია ნაკადები, რაც აღდგომის დღესასწაულს უკავშირდება.
„დღეს დილის 7:00 საათიდან მსუბუქი სატრანსპორტო საშუალებებისთვის აღდგა მოძრაობა რიკოთის უღელტეხილზე. ტრადიციულად, აღდგომის დღესასწაულზე მომატებულია ყოველთვის ინტენსივობა და ნაკადები. საღამოს 19:00 საათამდე მსუბუქი სატრანსპორტო საშუალებები იმოძრავებენ რიკოთის მონაკვეთზე, ხოლო 19:00 საათის შემდეგ, მსუბუქი სატრანსპორტო საშუალებებისთვის მოძრაობა დასაშვები გომი-საჩხერე-ჭიათურაზე იქნება. 24-საათიან რეჟიმში მიმდინარეობს მონიტორინგი, რომელშიც ჩართულები არიან სამშენებლო კომპანია, საზედამხედველო კომპანია და ასევე, საავტომობილო გზების დეპარტამენტის თანამშრომლები“, - განაცხადა გიორგი წერეთელმა.