გამოცემა Lonely Planet 2022 წლის საუკეთესო მიმართულებებს ასახელებს. გამოცემა წერს, რომ თანდათან მსოფლიოში კორონავირუსის პანდემია დასრულდება და ადამიანები ჩვეულ რეჟიმში შეძლებენ მოგზაურობას. იქამდე კი Lonely Planet 2022 წლის ყველაზე საინტერესო მიმართულებებს ქვეყნებში არსებული ეპიდსიტუაციის გათვალისწინებით ავრცელებს.
2022 წლის TOP-10 ქვეყანა მოგზაურობისთვის:
ეგვიპტე
ეგვიპტე უძველესი ცივილიზაციის სამშობლოა, სადაც ყოველწიურად მილიონობით ადამიანი ჩადის. ქვეყნის მთავარი ღირსშესანიშნაობა პირამიდებია.
მალავი
მალავი აფრიკის სახელმწიფოა, რომლის შესახებაც ბევრმა არ იცის, თუმცა მას საკმაოდ კარგი ტურისტული პოტენციალი გააჩნია. მალავის მთავარი ღირსშესანიშნაობა საფარი და მასში მცხოვრები ცხოველებია.
ნეპალი
ნეპალი აზიის ერთ-ერთი ყველაზე ეგზოტიკური და მაღალმთიანი სახელმწიფოა. მწვერვალ ევერესტის გარდა, აქ შესაძლებელია ზღვის დონიდან მსოფლიოში ყველაზე მაღლა მდებარე უდაბნოს ნახვა.
ომანი
ომანი არაბეთის ნახევარკუნძულის ქვეყანა. ცხელი კლიმატის მიუხედავად ის ტურისტების საყვარელ მიმართულებას ქვიშიანი სანაპიროების გამო წარმოადგენს.
ანგილია
ანგილია გაერთიანებული სამეფოს ზღვისიქითა ტერიტორიაა, რომელიც კარიბის ზღვაში მდებარეობს. კუნძულზე კორონავირუსის სულ რამდენიმე შემთხვევა დაფიქსირდა.
სლოვენია
სლოვენიას ევროპის პოპულარულ მიმართულებას იშვიათად განიხილავენ, თუმცა ამ პატარა ქვეყანაში შეხვდებით როგორც ულამაზეს სანაპიროებს, ასევე ალპების მთებსა და ისტორიულ ძეგლებს.
ბელიზი
ბელიზი ცენტრალური ამერიკის ქვეყანაა, სადაც ტროპიკულ სანაპიროებთან ერთად მაიას ცივილიზაციის ნანგრევების ნახვაა შესაძლებელი.
მავრიკი
მავრიკი კუნძულოვანი სახელმწიფოა ინდოეთის ოკეანეში, მადაგასკართან ახლოს. გამოცემა წერს, რომ კუნძული ეგზოტიკური ბუნებით გამორჩევა.
ნორვეგია
ნორვეგია მსოფლიოს ერთ-ერთ ყველაზე ბედნიერ სახელმწიფოდ ითვლება. ნორვეგიის ზღვისპირეთში ფიორდები მდებარეობს, რაც ყოველწიურად მილიონობით ტურისტს იზიდავს.
კუკის კუნძულები
კუკის კუნძულები წყნარ ოკეანეში მდებარეობს. კუნძულები გარე სამყაროსგან თითქმის მოწყვეტილია. აქ სულ რაღაც 18 000-მდე ადამიანი ცხოვრობს.
წყარო: "ბიზნესპრესნიუსი"