The Guardian – ის ინფორმაციით ცნობილი რუსი ოლიგარქი, საფეხბურთო კლუბ „ჩელსის“" მფლობელი რომან აბრამოვიჩი ბრიტანეთში საკუთარ ქონებას ყიდის.
გადაწყვეტილების მიღების მიზეზი მოსალოდნელი სანქციებია, რომელიც შესაძლოა, მის წინააღმდეგ იქნეს დაწესებული. ვილა, რომლის ფასი 275 მილიონი დოლარია, ლონდონში, კენგსინტონის მილიადერთა დასახლებაში მდებარეობს.
ამის შესახებ ბრიტანეთის პარლამენტის წევრმა, კრის ბრაიანტმა კომენტარი Commons- თან გააკეთა.
„ვფიქრობ, მას ეშინია სანქციების დაწესების, რის გამოც ის უკვე აპირებს ხვალ გაყიდოს თავისი სახლი და გაყიდოს სხვა ბინაც. ჩემი შფოთვა არის ის, რომ ჩვენ ძალიან დიდხანს ვუგულებელყოფთ ამ საკითხებს.“ - აცხადებს ბრაიანტი.
მას შემდეგ, რაც რუსეთმა უკრაინას ომი გამოუცხადა, კონფლიქტის ფონზე დიდმა ბრიტანეთმა კონკრეტულ რუს ოლიგარქებს და რუსეთთან დაკავშირებულ პირებს გარკვეული ფინანსური შეზღუდვები დაუწესა.
ბრიტანეთის საგარეო საქმეთა სამინისტრომ განაცხადა, რომ „ახალი ფინანსური შეზღუდვებით “120 ბიზნესი და ოლიგარქი“ დაზარალდება.
55 წლის რომან აბრამოვიჩი რუსეთის და ბრიტანეთის უმდიდრეს ადამიანებთა შორის ერთ-ერთია. აღსანიშნავია, რომ აბრამოვიჩმა „ჩელსის“ აქციები სამართავად უკვე გადასცა საქველმოქმედო ფონდს.
გლობალური სანქციების გამო, რუსმა ოლიგარქებმა წელს უკვე 83 მილიარდი დოლარი დაკარგეს.
bpn.ge