მოსკოვის ბირჟამ ირანის წარმომადგენლებთან გამართა შეხვედრა. ამ ეტაპზე საუბარია „გამოცდილების პირველ გაზიარებაზე“, მაგრამ თეირანი უკვე „აგდებდა ანკესებს“ რუსული კაპიტალის მისაზიდად. ამის შესახებ სააგენტო RBC.RU-ს მოსკოვის ბირჟის მმართველმა დირექტორმა კირილ პესტოვმა განუცხადა.

„გეტყვით, რომ ზუსტად 1 კვირის წინ გავმართეთ შეხვედრა ირანის საბირჟო ინფრასტრუქტურის წარმომადგენლებთან. ცენტრალური დეპოზიტარის წარმომადგენლები ჩამოვიდნენ. თეირანის საფონდო ბირჟა უმსხვილესია ირანში, სადაც მსხვილი კომპანიების აქციები ივაჭრება. 40–წლიანი სანქციების პირობებში ეს ბაზარი სრულად არის საკუთარ თავში ჩაკეტილი. გამოცდილება გვიჩვენებს, რომ იქ 600 ადგილობრივი კომპანია ვაჭრობს აქციებით. 80–მილიონიან ქვეყანაში დაახლოებით 50 მილიონ ადამიანს საბროკერო ანგარიშები აქვს“, აღნიშნა პესტოვმა.

მოსკოვის ბირჟაზე საბროკერო ანგარიშების მქონე მოქალაქეთა რაოდენობა მარტის ბოლოს 18,9 მლნ–ს შეადგენდა, თუმცა მათი უმეტესობა არ არის აქტიური.

„ამის შემდეგ, ალბათ, კაპიტალის მოძრაობის მომზადებაც შესაძლებელი იქნება. ჯერ მხოლოდ გამოცდილების ტექნიკური გაცვლა იყო. არა, კონკრეტული შეთანხმებები ჯერ არ გვაქვს“, – აღნიშნა პესტოვმა.