„2023 წლიდან პლატინის და პალადიუმის ვაჭრობის დაწყებას „ნორნიკელთან“ ერთად ვგეგმავთ,“ - ამის შესახებ ჟურნალისტებს მოსკოვის საფონდო ბირჟის ბიზნესის განვითარების დეპარტამენტის მმართველმა დირექტორმა კირილ პესტოვმა განუცხადა.
ბირჟა ოქრო-ვერცხლით 2013 წლიდან ვაჭრობს. ძვირფასი ლითონების ბრუნვა 2022 წლის იანვარ-ნოემბერში, გასულ წელთან შედარებით, თითქმის განახევრდა და 103,5 მილიარდი რუბლი (1,5 მლრდ დოლარი) შეადგინა, იუწყება „ინტერფაქსი“.
პესტოვის თქმით, ძვირფასი ლითონების ბაზარზე 100-მდე მონაწილეა, მათ შორის ბანკები, კომპანიები და ოქროს მაღაროს მფლობელები.
აღსანიშნავია, რომ რუსეთში პალადიუმის საჯარო ვაჭრობა არ ხდება. „ნორნიკელმა“ ძვირფასი ლითონების გაყიდვები რუსულ აქტივების ტოკენიზაციის პლატფორმა Atomyze-ზე წელს დაიწყო და პირველი ძვირფასი ლითონი პალადიუმი იყო. ასეთი ტოკენები ინდუსტრიულ კლიენტებსა და ინვესტორებზე, რამდენიმე ევროპულ ბირჟაზე, 2020 წლიდან გაიცემა. Atomyze-ის ინვესტორი კი ვლადიმერ პოტანინის კომპანია Interros-ია.
შეგახსენებთ, ერთი კვირის წინ The Wall Street Journal-ი წერდა, რომ „ნორნიკელის“ მთავარი აქციონერი და რუსი ოლიგარქი ვლადიმირ პოტანინი აშშ-ის სანქციების ქვეშ მოხვდებოდა. მიმდინარე წლის დასაწყისისთვის კომპანია მსოფლიოს ნიკელის დაახლოებით 5%-ს აწარმოებდა, პალადიუმის - დაახლოებით 40%-ს.