მოსკოვის საპატრიარქოს დაქვემდებარებული კიევ-პეჩორის ლავრის მიტროპოლიტი პაველ ლებედ უკრაინის პრეზიდენტ ვოლოდიმირ ზელენსკის სთხოვს, რომ ის 2 ტაძარი, რომელსაც კიევი მოსკოვის საპატრიარქოს დაქვემდებარებულად მიიჩნევს, არ ჩამოართვას.
მსახურება სატრაპეზოსა და მიძინების ტაძრებში ბოლოჯერ 31 დეკემბერსა და 1 იანვარს ჩატარდება.
„ისიც გვყოფნის, რომ მტერი ჩვენს ხალხს ურტყამს, გვყოფნის ის უბედურება და მწუხარება, როცა ხალხი სიცივესა და უშუქობაში შიმშილობს, ახლა კიდევ ხალხისთვის რწმენის წართმევა გინდათ? გინდათ ბოლო იმედი წაართვათ? ნუ იზამთ ამას. მიეცით მინისტრთა კაბინეტს ღირსეული განკარგულება, მიეცით პარტიას განკარგულება, რომ მათ ხელი არ მოაწერონ ამ უნიჭო დოკუმენტებს ეკლესიის წინააღმდეგ. ჩვენ პოლიტიკაში არ ვერევით, ჩვენ მხოლოდ ვითხოვთ, უფალმა ჩვენს ეკლესიაში დაგვტოვოს, ეკლესია ჩვენთვის და ჩვენს სახელმწიფოში“, - ამბობს ლებედი.
შეგახსენებთ, რომ დეკემბრის დასაწყისში უკრაინის პრეზიდენტმა ვოლოდიმირ ზელენსკიმ ხელი მოაწერა განკარგულებას, რომელიც რუსეთთან დაკავშირებული რელიგიური ორგანიზაციების საქმიანობის აკრძალვას ითვალისწინებს.