რამდენიმე დღეში გახდება ზუსტი თარიღი ცნობილი, როდის ამოქმედდება ახალი იახტ კლუბი ბათუმში - ამის შესახებ ,,ბიზნესპრესნიუსს" Azimut Yachts-ს საქართველოს წარმომადგენლობის ხელმძღვანელი გიორგი ჩიკვაიძემ განუცხადა.
,, ბოლო პერიოდში მოთხოვნის ტენდენცია გაათმაგებულია. პირდაპირ პროპორციულად გაზრდილია მოთხოვნა ინფრასტრუქტურაზე, ვგულისხმობ იახტების სადგომსა და მარინას. გადაწყვეტილება უკვე მიღებულია, სულ რამდენიმე დღეში კონკრეტული თარიღი გახდება ცნობილი, როდიდან გვექნება ახალი იახტ კლუბი ბათუმში. ეს ძალიან მნიშვნელოვანია, რადგან თუ იახტაზე მოთხოვნა 10 ადამიანისგანაა, ინფრასტრუქტურაზე მოთხოვნა 50 ადამიანისგანაა. შეიძლება ითქვას, რომ ჩვენს მიერ იახტების გაყიდვებმა ძალიან დააჩქარა დარგის განვითარება როგორც ინფრასტრუქტურულად, ისე საერთო ინდუსტრიის მიმართულებით.
იახტების შეძენის გარდა მოთხოვნა გაქირავებაზე მართლა უპრეცედენტოა. მაგალითისთვის შემიძლია გითხრათ, რომ კრუიზერით რომელსაც ჩვენი კომპანია აქირავებს გადაღება გვინდოდა ჩვენივე კომპანიისთვის სარეკლამო კლიპის და თავისუფალი ადგილი 1 დღეც კი არ იყო 7 სექტემბრამდე. 2019 წლის დღის კრუიზერი, (რაც ნიშნავს გარდამავალ მოდელს კატერსა და იახტას შორის ) 1 საათით ქირავდება 400 ლარად, მთელი დღით კი, 1 200 ლარად. იახტაზე ეტევა 7 ადამიანი, საძინებლითაა და ძალიან კომფორტულია სეირნობისთვის. მერწმუნეთ, ვინც აჭარას კარგად იცნობს მათ 90%-საც კი არ უნახავს ის საოცარი ტერიტორია ზღვიდან მწვანე კონცხიდან ქობულეთამდე. ისეთი ადგილები გვაქვს აჭარაში, არა თუ ფუკეთს ( ტაილანდის პროვინცია, კუნძული) არ ჩამოუვარდება უფრო ლამაზიც კია. როცა ეს კრუიზერი შევიძინეთ ამ ტერიტორიების ტურისტულ მარშრუტად ქცევა იყო მიზანი, რაც მხოლოდ იმ ერთეულების ფუფუნება არ იქნება, ვისაც იახტა ჰყავს “ - განაცხადა გიორგი ჩიკვაიძემ ,,ბიზნესპრესნიუსთან“.
მისივე თქმით, წელს საქართველოში 4 იახტა გაიყიდა.
,,ბოლო სეზონზე 4 ახალი იახტაა გაყიდული, მათ შორის ერთი ისეთია, რომელზეც ვვარაუდობდით, რომ ჯერ ჩვენი ქვეყნისთვის ადრე იყო. თუმცა დარგი არაპროგნოზირებადად სწრაფი ტემპებით ვითარდება და ჩვენს გვიწევს გადავხედოთ ჩვენს პოლიტიკას. ფაქტია მოთხოვნა მიწოდებას აღემატება და ჩვენი მოლოდინები მორიდებული იყო.
საქართველოში გაყიდული კატერებისა და იახტების ფასი 100 000 ევროთი იწყება და მილიონს გადასცდა. მხოლოდ ამის თქმა შემიძლია“ - ამბობს ჩიკვაიძე.
ინფორმაციისთვის, კომპანიამ პანდემიამდელ 2019 წელს მხოლოდ 2 იახტა გაყიდა , 2020 წელს კი 10 ერთეული.2021 წელს კი 11 იახტა.
,,Azimut Yachts” იტალიური იახტების მწარმოებელი კომპანიაა, რომლის ფილიალი საქართველოში 2017 წლიდან არსებობს. იტალიაში აწყობილი იახტები კომპანიას საქართველოში ჩამოაქვს და რეალიზაციას ახდენს.
bpn.ge