„კრედიტინფო საქართველოს“ მიერ გამოქვეყნებული სტატისტიკის მიხედვით, 2023 წლის იანვრის მდგომარეობით, საქართველოში საბანკო მსესხებლების 9%-ს ვადაგადაცილებული სესხი/სესხები უფიქსირდება.
სტატისტიკაში შედის 30 დღიდან 3 წლამდე ვადით გადაცილებული სესხები. დოკუმენტის მიხედვით, დღეისთვის ბანკებში 1 624 572 აქტიური მსესხებელი ფიქსირდება, რომელთა მთლიანი საკრედიტო პორტფელიც 36.37 მილიარდი ლარია. მათ შორის 30 დღიდან 3 წლამდე ვადის ვადაგადაცილებულია 130 457 მსესხებლის 1.55 მილიარდი ლარის ვალდებულებები.
სტატისტიკის თანახმად, ბანკებში ვადაგადაცილებული მსესხებლების რაოდენობა მთლიანად მსესხებელთა რაოდენობის 8%-ია, ხოლო მათი ვადაგადაცილებული კრედიტების ჯამური ღირებულება გაცემული სესხების 4.3%-ს შეადგენს.
„კრედიტინფოს“ 2023 წლის იანვრის სტატისტიკის მიხედვით, 30 დღიდან 3 წლამდე ვადაგადაცილება, 224 016 მსესხებელს უფიქსირდება, კონტრაქტების რაოდენობა კი 451 168-ს შეადგენს. საერთო ჯამში, იანვრის მდგომარეობით საქართველოში საფინანსო სექტორის ვალი 1 929 349 ადამიანს აქვს, ჯამში 39 863 664 829 ლარის მოცულობის.
ბანკი
