კორონავირუსის პანდემიამ, მიწოდების ჯაჭვის შეფერხებამ და უკრაინაში ომმა სერიოზულად შეაფერხა სურსათის, საწვავის და სასუქების ბაზრები, - აღნიშნულია საერთაშორისო ორგანიზაციების ხელმძღვანელების, მათ შორის მსოფლიო ბანკისა და საერთაშორისო სავალუტო ფონდის ერთობლივ განცხადებაში.

სპეციალისტებმა მოითხოვეს რიგი ღონისძიებების გატარება ეკონომიკური რისკების შესამცირებლად, კერძოდ, სავაჭრო შეზღუდვების მოხსნა, რაც, ავტორების აზრით, ფასების მატებას იწვევს.

მსოფლიო სასურსათო პროგრამის მიხედვით, ივნისისთვის, იმ ადამიანთა რაოდენობამ, რომლებიც საკვების მწვავე დეფიციტი წინაშე დგანან, 82 ქვეყანაში 345 მილიონს მიაღწია. დაახლოებით 25 ქვეყანამ დააწესა სურსათის ექსპორტის შეზღუდვები, რაც გავლენას ახდენს მსოფლიო საკვებით ვაჭრობის 8%-ზე მეტზე, ხოლო სასუქების ფასები გასულ წელს გაორმაგდა.

სიტუაციის შემდგომი გაუარესების თავიდან ასაცილებლად, საერთაშორისო ორგანიზაციების ხელმძღვანელები გვთავაზობენ შემდეგი ზომების გატარებას:
დაუყოვნებელი დახმარება გაეწიოს დაუცველ მოსახლეობას;
ვაჭრობისა და საერთაშორისო საკვების მიწოდების ხელშეწყობა;
წარმოების გაზრდა;
ინვესტირება კლიმატისადმი მდგრად სოფლის მეურნეობაში

განცხადების ავტორები აღნიშნავენ, რომ 2008 წლის ეკონომიკურმა კრიზისმა მსოფლიოს ასწავლა, რომ გლობალური ვაჭრობის შეზღუდვების შემოღება პირდაპირ იწვევს სურსათზე ფასების ზრდას.

„ექსპორტის შეზღუდვების მოხსნა და ინსპექტირებისა და ლიცენზირების უფრო მოქნილი მეთოდების დანერგვა ხელს შეუწყობს მიწოდების შეფერხებების მინიმუმამდე შემცირებას და ფასების შემცირებას“, - აცხადებენ ექსპერტები.

აღნიშნულ ერთობლივ განცხადებას ხელი მოაწერეს: მსოფლიო ბანკის ხელმძღვანელმა, გაეროს სურსათისა და სოფლის მეურნეობის ორგანიზაციის ხელმძღვანელმა, საერთაშორისო სავალუტო ფონდის ხელმძღვანელმა, WFP-ის აღმასრულებელმა დირექტორმა და მსოფლიო სავაჭრო ორგანიზაციის ხელმძღვანელმა.