მსოფლიო ბანკმა უკრაინისთვის დამატებით 200 მილიონი აშშ დოლარის ფინანსური დახმარების შესახებ გამოაცხადა, რათა გაზარდოს ქვეყნის სოციალური სერვისები, სოციალურად დაუცველი ადამიანებისთვის. ეს , გასულ კვირას, უკრაინისა და მისი ხალხისთვის მობილიზებულ 723 მილიონ აშშ დოლარს ემატება, საიდანაც 350 მილიონი დოლარი უკვე გადაეცა უკრაინას, - ამის შესახებ ინფორმაციას მსოფლიო ბანკი ავრცელებს.
მათივე ინფორმაციით, აღნიშნული დაფინანსება არის 3 მილიარდი დოლარის მხარდაჭერის პაკეტის ნაწილი, რომელზეც მსოფლიო ბანკის ჯგუფმა გამოაცხადა, რომ უახლოეს თვეებში, უკრაინისთვის ამზადებდა.
მსოფლიო ბანკის მიერ, უკრაინისთვის მობილიზებული მხარდაჭერის ერთობლივი ჯამური ოდენობა ახლა 925 მილიონ დოლარზე მეტს შეადგენს.
მობილიზაციის ძალისხმევის ფარგლებში, ავსტრიამ 10 მილიონი ევრო (11 მილიონი აშშ დოლარის ექვივალენტი) შეიტანა მსოფლიო ბანკის მიერ შექმნილ დონორთა ფონდში, რათა ხელი შეეწყოს, უკრაინაში საგრანტო რესურსების გაგზავნას.
,,მიმდინარე ომს კვლავ აქვს მძიმე ადამიანური ხარჯები და შეიქმნა ფინანსური ხარვეზები, რომლებიც საფრთხეს უქმნის უკრაინის სოციალურად დაუცველ ადამიანთა უნარს, დააკმაყოფილონ ძირითადი საჭიროებები. ეს სწრაფი მხარდაჭერა ხელს შეუწყობს ამ ხარვეზების გადალახვას, უკიდურესი შეფერხებების დროს, რადგან ჩვენ ვმუშაობთ, უკრაინისა და რეგიონისთვის უფრო ფართო მზარდაჭერის მცდელობებზე", - განაცხადა მსოფლიო ბანკის ჯგუფის პრეზიდენტმა დევიდ მალპასმა.