კორონავირუსის პანდემიამ რესტორნების ბიზნესს უმძიმესი დარტყმა მიაყენა. ყველაზე მაღალშემოსავლიანი დაწესებულებები უპრეცედენტო ვარდნის წინაშე აღმოჩნდენ, რამაც თანამშრომლების შემცირება გამოიწვია. გადარჩენის ინსტიქტმა რესტორნები აიძულა შემოსავლის ტემპის შესანარჩუნებლად ახალი გზები მოეძებნათ. ზოგი პროდუქტების მაღაზიად იქცა და ზოგი ფერმერების დახლის ფუნქციას ითავსებს, სადაც მომხმარებელს ახალ პროდუქტის შეძენა და მისი სახლში მომზადება შეუძლია.
გასულ კვირას აშშ-ს რესტორნების ეროვნულმა გაერთიანებამ განაცხადა, რომ უახლოესი სამი თვის მანძილზე ამ დარგში შემოსავალი 225 მილიარდით შემცირდება, რაც 5 დან 7 მილიონამდე სამუშაო ადგილის დაკარგვას ნიშნავს.
უფრო და უფრო მეტი რესტორანი მზა კერძების გაყიდვას ცდილობს, თუმცა მომხმარებელი სახლიდან გასვლისგან მაინც თავს იკავებს. Dataessential-ის ახალი ანგარიშის თანახმად , მომხმარებლების 30 პროცენტი მიიჩნევს, რომ ჯერჯერობით რესტორნებში სიარული სახიფათოა.
დაცარიელებული სუპერმარკეტების შემხედვარე, შეიძლება ვიფიქროთ, რომ ეს გზა შესაძლოა რესტორნებისთვის გადარჩენის საშუალებად იქცეს.
რესტორნების ქსელმა Dog Haus Worldwide-მა ახალი პროექტი Haus Market-ი შექმნა, გახსნა საწყობი და სტუმრებს საბაზისო ინგრედიენტებს სთავაზობს, რომელთა მომზადება სახლში შეუძლიათ. ასორტიმენტში შედის ჰოთდოგები, ბურგერები, სოსისები, კარტოფილის ბურთულები და ფუნთუშები. „ეს პროექტი ჩვენი მომხმარებლებისთვის ძალიან მნიშვნელოვანია , ისევე როგორც ჩვენი ბიზნესისთვის. ბიზნესმა უნდა გადალახოს ეს კრიზისი, კლიენტებს კი უნდა ესმოდეთ, რომ ქვეყანაში არ არის პროდუქტის სიმცირე. სუპერმარკეტები ცარიელდება, ხოლო რესტორნებს ბევრი პროდუქტი რჩება“. - ამბობს რესტორნების ქსელის თანამფლობელი ანდრე ვენერი.
Dog Haus-ი არ არის ერთადერთი ბრენდი, რომელიც კლიენტების გამოკვების ახალ გზებს ეძებს.მაგალითად, ზოგიერთ რესტორანში ნედლი ხორცი და სტეიკის ინგრედიეტები იყიდება.
გლობალურმა პანდემიამ არა მხოლოდ ამერიკის, არამედ მსოფლიოს ყველა ქვეყანაში გამოწვია რესტორნების გეზის ცვლილება. ბრიტანულმა ქსელმა „ლეონმა“ თავისი 75 რესტორანი მინი სუპერმაკეტად აქცია, სადაც რესტორნის ხარისხის მზა კერძები იყიდება. ჩინეთში KFC-მ პროდუქტების მიტანის სერვისი წამოიწყო.
ექსპერტებ ის ვარაუდით, დიდი დროა საჭიირო იმისთვის, რომ რესტორნის სფერომ ჩეული ბალანსი და მოთხოვნა დაიბრუნოს.
Forbes.ru
მოამზადა მარიამ მორგოშიამ