Forbes-ის მსოფლიოს ყველაზე მდიდარი ადამიანების რეიტინგის სათავეში LVMH-ის მფლობელი ბერნარ არნო აღმოჩნდა - ბიზნესმენისა და მისი ოჯახის ქონება 211 მილიარდ დოლარად არის შეფასებული.
კრიზისული 2022 წლის შედეგად, ფრანგი ბიზნესმენი ერთადერთი მილიარდერია, რომლის კაპიტალიც 211 მილიარდ დოლარია, ერთი წლის წინ არნოს და მისი ოჯახის ქონება 158 მლრდ დოლარით რეიტინგის მესამე ადგილზე იყო.
წლევანდელი რეიტინგის მეორე ადგილზეა შარშანდელი რეიტინგის ლიდერი, Tesla-სა და SpaceX-ის დამფუძნებელი ილონ მასკი, 180 მილიარდი დოლარით. აქციების ღირებულების ვარდნისა და საპროცენტო განაკვეთის ზრდის გამო მასკმა გასულ წელს 40 მილიარდი დოლარი დაკარგა.
რეიტინგის მესამე ადგილზეა Amazon-ის დამფუძნებელი ჯეფ ბეზოსი, რომლის ქონებაც 171 მილიარდიდან 114 მილიარდ დოლარამდე შემცირდა. მეოთხე და მეხუთე ადგილს კი შესაბამისად, ლარი ელისონი და უორენ ბაფეტი ინაწილებენ.