კაშკაშა ბურთებით, ყინვაგამძლე განათებებით და მბზინავი ფერიებით ან ვარსკვლავებით მორთული ნაძვის ხეები საშობაო მაგიასა და დიდებულებას ქმნიან.
მთელ მსოფლიოში, ზოგიერთი მათგანი ცნობილი გახდა თავისი სიდიადით, მიაღწია წარმოუდგენელ სიმაღლეებს და იქცა საშობაო თავშეყრის ადგილად მეგობრებისა და ოჯახებისთვის.
რომელ ქალაქებშია ყველაზე ცნობილი, საკულტო ნაძვის ხეები?
როკფელერის ცენტრის ნაძვის ხე, ნიუ-იორკი, აშშ
საახალწლო ნაძვის ხე ნიუ-იორკში, როკფელერის ცენტრის წინ, ყოველწლიური ტრადიციაა. ისტორია 1932 წლიდან იწყება, როდესაც მან დიდი დეპრესიის დროს იმედის ატმოსფერო შექმნა. ის ასევე გამოჩნდა ორ საშობაო ფილმში: მარტო სახლში და ელფი.
ტრაფალგარის მოედანი, ლონდონი, დიდი ბრიტანეთი
ლონდონში, ტრაფალგარის მოედანზე, ნაძვის ხე 1947 დგას. ის ყოველწლიური საჩუქარია ნორვეგიისგან მეორე მსოფლიო ომის დროს დიდი ბრიტანეთის მხარდაჭერისთვის.
საშობაო ნაძვის ხემ წელს კამათი გამოიწვია. ხალხი მის ვიზუალს იწუნებს.
გალერეა ლაფაიეტი, პარიზი, საფრანგეთი
პარიზის ცნობილმა სავაჭრო ცენტრი, Galeries Lafayette, ნაძვის ხის შესანიშნავ გამოფენას აწყობს.
ნაძვის ხე ბრწყინვალე არტ ნუვოს გუმბათის ქვეშ, ყოველწლიურად სხვადასხვა თემატიკით არის მორთული. 2021 წლის თემაა „1,2,3... Noel“, რისთვისაც მხატვარმა ლეა შასანმა სათამაშო დეკორი შექმნა, რომელიც ნოსტალგიური საბავშვო სათამაშოებით არის შთაგონებული.
პუერტა დელ სოლი, მადრიდი, ესპანეთი
მადრიდის დიდებული ნაძვის ხე პუერტა დელ სოლში არ არის ბუნებრივი, მაგრამ ისეთივე ლამაზია. 35 მეტრი სიმაღლის კონუსური ლითონის სტრუქტურა ტრადიციული ფიჭვის ციფრული ინტერპრეტაციაა. ტექსტურებისა და ფერების შედეგად მიღებული განათება მას მეტ მომხიბვლელობას სძენს.
საკათედრო ტაძრის მოედანი, ვილნიუსი, ლიეტუვა
შესაძლოა ბევრმა არ იცოდეს ლიეტუვაში, ვილნიუსში ნაძვის ხის შესახებ, მაგრამ მრავალი წელია ის მსოფლიოში ერთ-ერთ ულამაზესად არის აღიარებული. ხე რეალურად უფრო ჰგავს ინსტალაციას, რომელიც ყოველი წლის სულისკვეთებას საკუთარი ფორმით ხსნის.
ლაგუნა როდრიგო დე ფრეიტასი, რიო დე ჟანეირო, ბრაზილია.
რიო-დე-ჟანეიროს მცურავი ნაძვის ხე მსოფლიოში ყველაზე დიდია, თუმცა მის ტიტულს უკვე ებრძვის ახალი მცურავი ხე იტალიაში, ტრასიმენოს ტბაზე.
წყარო: "ბიზნეს ფორმულა"
საშობაო ნაძვის ხე
