ნიუ-იორკი, რომელიც მანამდე 2022 წლის მსოფლიოს ყველაზე ძვირადღირებულ ქალაქად იქნა აღიარებული, დასახელდა ასევე როგორც ყველაზე ძვირადღირებული ქალაქი ახალი წლის ღამეს საცხოვრებელი ფართის ქირის მხრივ.
როგორც Breaking Travel News-ი წერს CheapHotels.org-ის კვლევის ფარგლებში შედარდა ყველაზე იაფი სასტუმროს ნომრების 3 ღამის (30 დეკემბერი - 2 იანვარი) ღირებულება მსოფლიოს 50 დიდ ქალაქში. მხედველობაში იყო მიღებული მხოლოდ ქალაქის ცენტრებში მდებარე სასტუმროები, არანაკლებ 3 ვარსკვლავიანი და ზოგადად, კარგი იმიჯის მქონე.
რეიტინგში პირველი ადგილი დაიკავა ნიუ-იორკმა (აშშ), სადაც ყველაზე იაფი ნომერი 312 დოლარი ღირს. შემდეგი არის მაიამი (აშშ) 297 დოლარით და სიდნეი (ავსტრალია) 295 დოლარით.
მსოფლიო რეიტინგში ლონდონი მეოთხე ადგილზეა, თუმცა ევროპულ ქალაქებში პირველი იაფი ნომერი აქ 275 დოლარია. აზიურ ქალაქებში კი ტოკიო (იაპონია) ლიდერობს 232 დოლარით, საერთო რეიტინგში კი მეშვიდე ადგილზეა.
როგორც კვლევის ავტორები აღნიშნავენ 2021 წლის საახალწლო დღესასწაულთან შედარებით, როდესაც კოვიდ შეზღუდვები ზოგიერთ მიმართულებაზე ისევ მოქმედი იყო, ტოკიოში ტარიფები წელს 300%-ით გაიზარდა. კიდევ ერთი დანიშნულების ადგილი, სადაც ფასების მნიშვნელოვანი ზრდაა, არის მარაკეში (მაროკო) სადაც ფასები სამჯერ მეტია გასულ წელთან შედარებით.
მსოფლიოს ტოპ 10 ქალაქი საახალწლოდ სასტუმროების ყველაზე ძვირი ფასებით:
1. ნიუ-იორკი (აშშ) - 312$
2. მაიამი (აშშ) - 297$
3. სიდნეი (ავსტრალია) - 295$
4. ლონდონი (დიდი ბრიტანეთი) - $275
5. ნეშვილი (აშშ) - 257$
6. ედინბურგი (დიდი ბრიტანეთი) - $234
7. ტოკიო (იაპონია) - $ 232
8. დუბაი (UAE) - $230
9. კანკუნი (მექსიკა) - $217
10. ვენეცია (იტალია) - $214