მთავრობამ 2024-2027 წლების ქვეყნის ძირითადი მონაცემებისა და მიმართულებების დოკუმენტის (BDD) შედგენაზე მუშაობა უკვე დაიწყო. როგორც მთავრობის №90 დადგენილებაშია აღნიშნული, 10 მარტამდე საქართველოს სამინისტროებმა უნდა უზრუნველყონ სამუშაო ჯგუფის შექმნა/განახლება, რომელიც კოორდინაციას გაუწევს ქვეყნის ძირითადი მონაცემებისა და მიმართულების დოკუმენტის, საშუალოვადიანი სამოქმედო გეგმისა და წლიური ბიუჯეტის პროექტის მომზადების პროცესს.

სამუშაო ჯგუფის მუშაობას ხელმძღვანელობს მინისტრი ან სამინისტროს ეკონომიკური/საფინანსო-საბიუჯეტო სამსახურის კურატორი მინისტრის მოადგილე, ხოლო მუშაობის პროცესს კოორდინაციას უწევს ეკონომიკური/საფინანსო-საბიუჯეტო სამსახური.

სამუშაო ჯგუფმა საშუალოვადიანი სამოქმედო გეგმების მომზადების პროცესში უნდა უზრუნველყოს ბიუჯეტის გამჭვირვალობისა და მოქალაქეთა ჩართულობის ელექტრონული სისტემის (E-BTPS – Budget Transparency and Participation System – ebtps.mof.ge) გავრცელება შესაბამისი სფეროს სხვადასხვა ფოკუს-ჯგუფში.

მთავრობის დადგენილების მიხედვით, სამინისტროებმა და სხვა მხარჯავმა დაწესებულებებმა არაუგვიანეს 2023 წლის 28 აპრილისა უნდა მოამზადონ და ფინანსთა სამინისტროს წარუდგინონ ინფორმაცია, 2024 − 2027 წლების საშუალოვადიანი სამოქმედო გეგმა. ასევე ინფორმაცია, დასაქმებულთა საორიენტაციო რიცხოვნობებისა და ასიგნებების საორიენტაციო ზღვრული მოცულობების შესახებ, რომელიც ითვალისწინებს მიმდინარე და ახალი პოლიტიკის ბიუჯეტზე გავლენის შესახებ ინფორმაციის მომზადებას.

ასევე ფინანსთა სამინისტრომ უნდა უზრუნველყოს 2024 − 2027 წლებისთვის სახელმწიფო ბიუჯეტით გათვალისწინებული ასიგნებებისა და მომუშავეთა რიცხოვნობების პირველადი საორიენტაციო ზღვრული მოცულობების შესახებ ინფორმაციის სახელმწიფო ბიუჯეტის მხარჯავი დაწესებულებებისათვის მიწოდება არაუგვიანეს 2023 წლის 22 მაისისა.

მიმდინარე და გასული წლების BDD-ს ნახვა შესაძლებელია აქ: