საინტერესო, მრავალფუნქცური სივრცე -  ,,მტევინო“  სტუმრებს 10 ივნისიდან უმასპინძლებს. ამის შესახებ კომერსანტს კომპანიის დამფუძნებელი ნიკა ზაუტაშვილმა განუცხადა. მისი თქმით ქართულ სტუმარ-მასპინძლობის ტრადიციებზე დაფუძნებულ თანამედროვე კონცეპტუალური სივრცე პოსტ პანდემიის შემდეგ განსაკუთრებულ სიახლეებს სთავაზობს.

კახეთის ძველისძველ ისტორიულ სოფელში, ხაშმში ჩასულ დამსვენებელს 15 ადამიანზე გათვლილი კომფორტული სასტუმრო დახვდება, სადაც ყველანაირი პირობაა შექმნილი იმისათვის, რომ მშვიდ გარემოში დაისვენოთ. აღსანიშნავია, რომ კომპლექსი თბილისიდან 40კმ-ში, დაახლოებით 20-წუთის სავალ გზაზე მდებარეობს. 

„ჩვენი კომპლექსი სტუმრებს 10 ივნისიდან მიიღებს. ხაშმში ჩამოსულ ვიზიტორებს შესაძლებლობა ექნებათ ღია ვერანდებიდან დატკბნენ უნიკალური ხედებით ვენახებზე და მთებზე, შეძლებენ დააგემოვნონ „მტევინოს“ ღვინოები ქართულ-ევროპულ დაფებთან და სხვა ტრადიციულ კერძებთან ერთად. აღსანიშნავია, რომ მტევინო იდეალური ადგილია ბიზნეს შეხვედრის, ტრენინგისა თუ სხვა კორპორატიული აქტივობისთვის. ჩვენს მიერ შექმნილი მრავალფუნქციური სივრცე მიმზდველი იქნება უცხოელი ტურისტებისთვისაც.

თუ გსურთ თავად გამოაცხოთ თონის პური, მოახვიოთ ხინკალი, შეწვათ მწვადი, ამოავლოთ ჩურჩხელა, თქვენ შესაძლებლობა გექნებათ მონაწილეობა მიიღოთ კულინარიულ მასტერკლასებში.  „მტევინოში“ მოსაწყენი დრო ნამდვილად არავის ექნება. სტუმრებს ვთავაზობთ ბილიარდს, სამაგიდო ჩოგბურთს, საინტერესო სამაგიდო თამაშებს, ვენახში გასეირნებას.. ღვინის მაღაზიაში შეძლებთ ჩვენი ყველა სახეობის ღვინის ადგილზე შეძენას. და ბოლოს, „მტევინოში“ მოსულ სტუმრებს შეძლებთ ჩვენი 9 სახეობის ღვინო დააგემოვნონ. „მტევინოს“ ღვინოები შექმნილია როგორც ევროპული ტექნოლოგიით ასევე ტრადიციული ქართული, ქვევრში დაყენების მეთოდით“, - განმარტავს ნიკა ზაუტაშვილი.

ნიკა ზაუტაშვილი აცხადებს, რომ თითოეულ ღვინო, რომელსაც კომპანია აწარმოებს განსაკუთრებულია თავისი არომატებით და გემოვნური თვისებებით. კომპლექსში დღეს 9 სახეობის ღვინოს აწარმოებენ:

„ხაშმის საფერავი, საფერავი, რქაწითელი, მუკუზანი, ქინძმარაული, რქაწითელი (ქვევრი), მწვანე (ქვევრი), საფერავი (ქვევრი), რქაწითელი მწვანე (ქვევრი)- ეს ის ღვინის სახეობებია, რომელსაც ჩვენ ვაწარმოებთ. აქედან რამდენიმე ჯიშის ყურძენი გადავამუშავეთ და დავადუღეთ ქვევრშიც, რადგან ქვევრის ტექნოლოგია უმნიშვნელოვანესია ჩვენი ქვეყნისთვის, ეს არის არამატერიალური კულტურული ძეგლი, რომელიც საქართველოს ანუ ღვინის ქვეყანას განსაკუთრებულს ხდის. ამ ეტაპზე ქვევრის ღვინის ოთხი სახეობა გვაქვს ესენია: ხაშმის საფერავი, რქაწითელი, მწვანე და რქაწითელი  მწვანე, ამ ეტაპზე 80 000 ქვევრის ბოთლი გვაქვს“- აცხადებს ნიკა ზაუტაშვილი.