სომხეთის ოპოზიციური ჯგუფები გეგმავენ გააგრძელონ საპროტესტო გამოსვლები და მოითხოვონ პრემიერ-მინისტრის, ნიკოლ ფაშინიანის გადადგომა რუსეთის შუამავლობით აზერბაიჯანთან გაფორმებული შეთანხმების გამო, რომლის მეოხებითაც დასრულდა ექვსკვირიანი ომი აზერბაიჯანის სეპარატისტული რეგიონის მთიანი ყარაბაღისთვის, რომელიც 30 წელიწადის განმავლობაში სომხური ძალების კონტროლის ქვეშ იყო.
2 ნოემბრისთვის დაგეგმილი საპროტესტო გამოსვლამდე რამდენიმე საათით ადრე დააკავეს ოპოზიციის ათი ცნობილი ფიგურა „კანონსაწინააღმდეგო მასობრივი არეულობის ორგანიზებისთვის სამხედრო მდგომარების დროს.
დაკავებულებს შორის არიან „აყვავებული სომხეთის“ ლიდერი, გაგიკ წარუკიანი, ეროვნული უშიშროების სამსახურის ყოფილი დირექტორი, პარტია "სამშობლოს" ლიდერი, არტურ ვანეციანი და დაშნაკთა პარტიის წევრი, იშხან საგატელიანი.
ოპოზიციამ დაგმო დაკავების ფაქტი. 10 ნოემბერს შეთანხმების გამოცხადების შემდეგ 10 ნოემბერს, დილით ადრე, განრისხებულმა პირებმა იერიში მიიტანეს სახელისუფლებო შენობებზე, მთავრობის სახლსა და პარლამენტზე.
ომის დასრულების შეთანხმებას უარყოფს ბევრი სომეხი, რადგან მის მიხედვით, აზერბაიჯანს შეუძლია დარჩეს მთიან ყარაბაღის მნიშვნელოვანი ნაწილში და ასევე რეგიონის მიმდებარე არეალებში, რომლებიც დაიკავა საბრძოლო მოქმედების დროს. კონფლიქტმა ათასობით პირი იმსხვერპლა ორივე მხარეს.
შეთანხმების გამოცხადებიდან შემდეგ დღეს დემონსტრაციაზე ერევნის ცენტრში, მიუხედავად სამხედრო მდგომარებისა, რომელიც კრძალავს დემონსტრაციებს, ფაშინიანს „მოღალატე“ უწოდეს.
რუსეთის შუამავლობით მიღწეული შეთანხმება წარმოადგენს მარცხს სომხური ძალებისთვის, რომლებსაც ერევანი უმაგრებს ზურგს და რომელიც აკონტროლებდა რეგიონს, რომელზეც მათ მმართველობა დაამყარეს 1994 წელს აზერბაიჯანთან ომის შემდეგ.
ასეულობით რუსი ჯარისკაცი, სამშვიდობო ძალების წარმომადგენელი განთავსდა რეგიონში ხუთწლიანი მანდატით.
მთიანი ყარაბაღისთვის ინტენსიური საბრძოლო მოქმედებები 27 სექტემბრიდან განახლდა. ამ პერიოდში აზერბაიჯანმა კონტროლი აღადგინა რამდენიმე რაიონზე.
აზერბაიჯანმა ძირითადად სომხებით დასახლებულ მთიან ყარაბაღსა და მიმდებარე რაიონებზე კონტროლი 1990-იანი წლების დასაწყისში დაკარგა. 1994 წლიდან კონფლიქტი ფაქტობრივად გაყინული იყო, თუმცა, გარკვეული პერიოდულობით ცეცხლის შეწყვეტის რეჟიმი ირღვეოდა.
www.radiotavisupleba.ge