როდესაც ვსაუბრობთ სიმკაცრეზე, როდესაც ვსაუბრობთ აღსრულებაზე, მიდგომა ყველას მიმართ ერთიანი იქნება. თუ წესი დაირღვევა, შინაგან საქმეთა სამინისტროს თანამშრომლები იმოქმედებენ, - ამის შესახებ საქართველოს მთავრობის ადმინისტრაციის უფროსმა ნათია მეზვრიშვილმა განაცხადა. ინფორმაციას მთავრობის ადმინისტრაციის პრესსამსახური ავრცელებს.
მისი თქმით, ჯარიმები არის საკმაოდ მკაცრი და პოლიცია დამრღვევების მიმართ გამოიყენებს შესაბამის ზომებს.
„კიდევ ერთხელ ვთხოვთ მოქალაქეებს, მაქსიმალურად სახლში დარჩნენ და თუ წესებს დაარღვევენ, პოლიცია მათ მიმართ გამოიყენებს შესაბამის ზომებს. ეს ჩვენთვის, საჯარო მოხელეებისთვისაც არ არის მარტივი პროცესი. პოლიცია, თავდაცვის ძალები, ექიმები, 24 საათიან რეჟიმში მუშაობენ. ამ ადამიანების რესურსი არ არის ამოუწურავი, ამიტომ, გთხოვთ, ეს გაითვალისწინოთ, რადგან მხოლოდ მთავრობის რეგულაციებით ვერ მივაღწევთ სასურველ შედეგს, თუ მოქალაქეეების მხრიდან არ იქნება მაქსიმალური ხელშეწყობა“, - განაცხადა ნათია მეზვრიშვილმა.