ნატოს გენერალურ მდივანს შესაძლოა თანამდებობაზე ყოფნის ვადა გაუხანგრძლივონ. ამის შესახებ ანონიმურ ევროპელ დიპლომატზე დაყრდნობით Politico წერს.
იენს სტოლტენბერგს ამჟამინდელი მანდატი 2023 წლის სექტემბერში ეწურება. Politico აღნიშნავს, რომ მომავალ გენერალურ მდივანს მოუწევს წონასწორობის დაცვა უკრაინისთვის სამხედრო დახმარების გაგრძელებასა და ალიანსის თავდაცვის გაძლიერებას შორის, მაშინ როდესაც ფორმალურად კონფლიქტში არ უნდა ჩაერთოს. გამოცემა წერს, რომ ამჟამად ასეთი გამოცდის ჩაბარება ცოტა ადამიანს შეუძლია.
სტოლტენბერგის ვადის გაგრძელება ყველაზე ხშირად ნახსენები ვარიანტია. ასევე საუბარი მიდის ისეთ კანდიდატებზე როგორიცაა: ჰოლანდიის პრემიერ მინისტრი მარკ რუტე, ესტონეთის პრემიერ მინისტრი კაია კალასი და ბრიტანეთის თავდაცვის მდივანი ბენ უოლესი.
ნაკლებად ხშირად ნახსენები სახელებია ლიტვის პრემიერ მინისტრი ინგრიდა შიმონიტე, სლოვაკეთის პრეზიდენტი ზუზანა ჩაპუტოვა და ევროკომისიის პრეზიდენტი გერმანელი ურსულა ფონ დერ ლეიენი.
სტოლტენბერგი
