მაღალი ფასები გაგრძელდება მომდევნო რამოდენიმე წლის განმავლობაში, გააფრთხილა იჰსან აბდულ-ჯაბარმა. მან მოუწოდა OPEC-ს, გააკონტროლოს მოპოვება და შეინარჩუნოს მიწოდებისა და მოთხოვნილების არსებული ბალანსი.

ერაყის ენერგეტიკის მინისტრმა იჰსან აბდულ-ჯაბარმა Bloomberg-თან ინტერვიუში განაცხადა, რომ ნავთობის ფასი 100 დოლარის ფარგლებში ბარელზე წლის ბოლომდე შენარჩუნდება.

მისი აზრით, მაღალი ფასები მომდევნო სამი-ოთხი წლის განმავლობაში გაგრძელდება. მინისტრის აზრით, ნავთობის მომპოვებელ ქვეყნებს შორის თანამშრომლობა ხელს შეუწყობს მომავალში ნებისმიერი კრიზისის შედეგების შერბილებას.

მიწოდებისა და მოთხოვნილების მართვისთვის საჭიროა "OPEC +"-ის მხრიდან ქმედება, აღნიშნა აბდულ-ჯაბარმა. „მინდა, რომ OPEC-მა შეინარჩუნოს ინსტრუმენტები, რათა მოახდინონ მოპოვების გაზომვა და კონტროლი და შეინარჩუნონ არსებული ბალანსი“, - განაცხადა მან და პირობა დადო, რომ განიხილავს აღნიშნულ საკითხს პარტნიორებთან.

ბაღდადი გეგმავს ნავთობის გადამამუშავებელი და ტრანსპორტირების სიმძლავრეების გაზრდას, რათა დააკმაყოფილოს მოთხოვნილება მიწოდების შესაძლო დეფიციტის ფონზე, თქვა მინისტრმა. ნოემბრისთვის ქალაქ კარბალაში ფუნქციონირებას დაიწყებს ახალი გადამამუშავებელი ქარხანა სიმძლავრით 140 ათასი ბარელი/დღეში, ხოლო ერაყის სამხრეთ პორტების საექსპორტო სიმძლავრე წლის ბოლოსთვის შეადგენს დაახლოებით 4 მილიონ ბარელს/დღეში.