ნეაპოლში ხალხი ხვიჩას თამაშის სანახავად ანუ „მოსალოცად“ ჩადის, ასეთი რამ არსად არ ხდება. ხვიჩა ყველას აბედნიერებს, - ნეაპოლიდან დაბრუნებული რესტორატორი შოთა ბურჯანაძე რადიო „კომერსანტის“ ეთერში მსმენელს ხვიჩა კვარაცხელიას თამაშის ნახვის შთაბეჭდილებებს უზიარებს.
მისი თქმით, როცა გამჩნევენ, რომ ქართველ ხარ და Kvaratskhelia-ს ფორმა გაცვია, ნეაპოლელებისთვის ძალიან პატივსაცემი სტუმარი ხარ.
„ეს არის რაღაც ახალი, უპრეცედენტო მოვლენა ქართულ რეალობაში. ასეთი რამე არსად არ ხდება, რომ ინიშნებოდეს რეისები, რომ ჩადიოდნენ ადამიანები ნეაპოლში ხვიჩას თამაშის სანახავად ანუ „მოსალოცად“. მე ვიყავი ბედნიერი, როცა ერთი 22 წლის ბიჭი ამდენ ქართველს და არაქართველს აბედნიერებს. როცა გამჩნევენ, რომ ქართველ ხარ, ხვიჩას ფორმა გაცვია და Kvaratskhelia გაწერია შენ ხარ უდიდესი პატივსაცემი სტუმარი - სურათებს იღებენ, საჩუქარს გიკეთებენ, შეიძლება ფული არ აიღონ მაღაზიაში. ამას აკეთებს, ერთი ადამიანი, რომელიც თავის საქმეს აკეთებს მაღალპროფესიონალურად. ხვიჩა კვარაცხელია ყველას აბედნიერებს“, - აცხადებს შოთა ბურჯანაძე.