კოვიდ -19_ის პანდემიის შედეგები, განსაკუთრებით მძიმე აღმოჩნდა ადამიანებისათვის, რომლებსაც აქვთ ვადაგასული ვალდებულებები სხვადასხვა საფინანსო დაწესებულებებთან და ამასთანავე დაწესებული შეზღუდვების ფონზე დაკარგეს სამსახური ან მნიშვნელოვნად შეუმცირდა შემოსავალი.
იმ პირობებში, როდესაც პანდემიის გამო ადამიანებს დაეწყოთ პრობლემები სესხებზე მნიშვნელოვანია მათ ჰქონდეთ წვდომა იურიდიულ მომსახურებაზე.
როგორც რადიო „კომერსანტის“ გადაცემაში „კომერსანტის დილა“ სამართლებრივი კვლევის, სწავლებისა და დახმარების ცენტრის თავმჯდომარემ მარიკა არევაძემ ისაუბრა, სწორედ ამ მიმართულებით არასამთავრობო ორგანიზაცია სამართლებრივი კვლევის, სწავლებისა და დახმარების ცენტრი ღია საზოგადოების ფონდის მხარდაჭერით ახალი პროექტის ფარგლებში უფასო სამართლებრივ დახმარებას ახორციელებს იმ ადამიანებისთვის, რომლებმაც პანდემიის გამო სამსახური დაკარგეს, შემოსავლის გარეშე დარჩნენ ან მნიშვნელოვნად შეუმცირდათ შემოსავალი და ონლაინ საკრედიტო დაწესებულებებსა და მიკროსაფინანსო ორგანიზაციებში არსებულ ვალდებულებათა გამო პრობლემები შეექმნათ. პროექტის ფარგლებში უფასო სამართლებრივი დახმარება გაეწევა თბილისის, რუსთავის და გორის მოსახლეობას. დახმარება მოიცავს როგორც იურიდიულ კონსულტაციას, ასევე სამართლებრივი დოკუმენტების მომზადებას, როგორიც არის წერილი, სარჩელი ან შესაგებელი.
„ნებისმიერ მოქალაქეს ვისაც აქვს სესხთან დაკავშირებული პრობლემა და ეს გამოწვეულია პანდემიით, ჩვენ მათ ვთავაზობთ როგორც წერილის მომზადებას, ასევე მოლაპარაკებაში ჩართვას და საჭიროების შემთხვევაში შესაგებლის მომზადებას. რა თქმა უნდა გამარჯვების მიღწევა შესაძლებელია, ოღონდ გამარჯვებაში მოიაზრება არა სესხების გაუქმება, არამედ გრაფიკებზე დაბრუნება, მოლაპარაკება, ზედმეტად დარიცხული პირგასამტეხლოების შემცირება, ვალდებულების გადავადება ან დროში გაშლა, იმისათვის, რომ ყველამ შეძლოს ნაკისრი ვალდებულებების დროულად დაფარვა. ამ შემთხვევაში ადამიანები ჩვენგან უფასო იურიდიულ დახმარებას იღებენ, ჩვენ მომსახურეობა პროექტის ფარგლებშ იქნება უფასო,“ - აღნიშნა მარიკა არევაძემ.
მისივე თქმით, პანდემიური მდგომარეობა არის ფორსმაჟორი, მითუმეტეს იმ სამართლებრივ აქტებზე დაყრდნობით, როცა საგანგებო მდგომარეობის გამოცხადება გახდა საჭირო, თუმცა არევაძემ აღნიშნა, რომ საბოლოოდ ესეც სასამართლოს დასადგენი იქნება.
უფასო სამართლებრივი დახმარების მიღების მიზნით შეგიძლიათ დაუკავშირდეთ ორგანიზაციას ნომრებზე: 598529292; 597939416. ასევე ფეისბუქ გვერდის მეშვეობით.
https://www.facebook.com/samartlebrividaxmarebisdakvleviscentri ან ელექტრონულ ფოსტაზე - Lccontactt@gmail.com .
მარიკა არევაძე
