კრიტიკის შემდეგ Nestle-მ რუსული ბაზრის ნაწილობრივ დატოვების გადაწყვეტილება მიიღო. კომპანიის განცხადებით ამიერიდან რუსეთში KitKat და Nesquik აღარ გაიყიდება. Nestle-ს თქმით უკრაინაში ომის გამო კომპანია ამ ეტაპზე მოგების ნაცვლად სამედიცინო დანიშნულებისა და ჩვილ ბავშვთა კვებაზეა ორიენტირებული. კომპანიისვე განცხადებით მოგების დაფიქსირების შემთხვევაში თანხა მთლიანად ჰუმანიტარულ საჭიროებებს მოხმარდება.
მიიღე ინფორმაცია უფრო სწრაფად ჩვენს Telegram-ზე.
Nestle, Burger King-ის მსგავსად იმ იშვიათ საერთაშორისო კომპანიათა რიგს განეკუთვნება, რომელმაც რუსეთში დარჩენა გადაწყვიტა, რის გამოც უკრაინაშიც და მის ფარგლებს გარეთაც მწვავედ გააკრიტიკეს, 22 მარტს კი მისი გვერდი Anonymous-მა დაჰაკა.
Nestle 1866 წელს შვეიცარიაში დაფუძნდა და მალევე კვების ინდუსტრიაში ერთ-ერთ ლიდერ კომპანიად იქცა, რომელიც შოკოლადის გარდა ჩვილ ბავშვთა საკვებს, ძის პროდუქტებს, ჩამოსასხმელ წყალს, ნაყინს, ყავას, ჩაისა და შინაური ცხოველების საკვებს აწარმოებს. დღეს ის მსოფლიოს 189 ქვეყანაში 447 ქარხნით და 339 ათასი დასაქმებულითაა წარმოდგენილი. 2020 წელს Nestle-ს შემოსავალმა $89 მლრდ-ს, ხოლო წმინდა მოგება, $12 მლრდ-ს გადააჭარბა. კომპანიის კაპიტალიზაცია $355 მლრდ-ს აღემატება.
Nestle სკანდალში ადრეც გახვეულა, როცა შოკოლადისთვის საჭირო კაკაოს მოპოვების დროს ბავშვთა ექსპლუატაციაში დაადანაშაულეს.