ამერიკული სპორტული საქონლის ბრენდი Nike აშშ-ში Adidas-ის ბოტასის რამდენიმე მოდელის იმპორტის აკრძალვას მოითხოვს. ინფორმაციას Bloomberg ავრცელებს.

კომპანიაში აცხადებენ, რომ გერმანულმა ბრენდმა FlyKnit-ის დაწნული ქსოვილის ტექნოლოგია დააკოპირა. Nike-მა პატენტის დარღვევაზე საჩივარი შეერთებული შტატების საერთაშორისო სავაჭრო კომისიაში (USITC) შეიტანა.

Nike-ის წარმომადგენლებმა ხაზგასმით აღნიშნეს, რომ Adidas-მა, ფაქტობრივად, მოიპარა ამერიკული კომპანიის მიერ შემუშავებული ტექნოლოგია და მას PrimeKnit უწოდა. ახლა Nike ცდილობს, აშშ-ში ისეთი მოდელების შეტანა აკრძალოს, როგორიც არის Adidas by Stella McCartney Ultraboost, Pharrell Williams Superstar Primeknit და სალაშქრო ჩექმები Terrex Free Hiker.

FlyKnit ტერფის ზედა ნაწილზე მჭიდრო მორგებისთვის, გადამუშავებული მასალისგან მიღბულ სპეციალურ ძაფებს იყენებს. Nike-ის მტკიცებით, ეს ტექნოლოგია ათწლეულების კვლევის შედეგია, რაც კომპანიას, დაახლოებით, 100 მლნ დოლარი დაუჯდა.

FlyKnit-ის სპორტულ ფეხსაცმელი პირველად 2012 წელს, ლონდონის ოლიმპიადის წინ წარადგინეს. ხუთი თვის შემდეგ Adidas-მა მსგავსი ტექნოლოგიით დამზადებული ფეხსაცმლის კოლექცია გამოუშვა. Adidas ამტკიცებს, რომ Primeknit თავად შეიმუშავა, რაც ეკოლოგიური ფეხსაცმლის შექმნისთვის არის გამიზნული.

bpn.ge