საქართველოს უმსხვილი ჰიპერმარკეტების ქსელებმა 2021 წელი გაზრდილი შემოსავლებით და მოგებით დაასრულეს.

ყველაზე დიდი შემოსავალი „ნიკორამ“ მიიღო. სუპერმარკეტმა 2021 წელს შემოსავლები 24.3%-ით 749.7 მლნ ლარამდე გაზარდა, ხოლო მოგება 26%-ით.

ფინანსური ანგარიშის მიხედვით 2021 წელს, პანდემიის წელთან შედარებით (2020 წელი) მაღაზიათა ქსელ „ორი ნაბიჯის“ შემოსავალი 44.6%-ით გაიზარდა და 592.7 მლნ ლარი შეადგინა.

„კარფურმა“ 2021 წელს შემოსავალი, წინა წელთან შედარებით, 20.7%-ით 570.3 მლნ ლარამდე გაზარდა. კომპანიის საერთო მოგება 117.6 მლნ ლარი იყო.

2021 წლის ფინანსური ანგარიშის მიხედვით, პანდემიის წელთან შედარებით ,,აგროჰაბის“ შემოსავალი კი 22.5%-ით 154.3 მლნ ლარამდე გაიზარდა. კომპანიამ 2021 წლის საერთო მოგება 28.1 მლნ ლარი დააფიქსირა.

საქართველოს ერთ-ერთმა უმსხვილესმა ჰიპერმარკეტების ქსელმა „გუდვილმა” 2021 წელი 11.5 მილიონი ლარით გაზრდილი შემოსავლით დაასრულა. კომპანიის შემოსავალი 148 მილიონი ლარი, მოგება კი 0.05 მლნ ლარი იყო.