„ნიუ ჰოსპიტალის“ ბავშვთა ჯანმრთელობის ცენტრი ორი წლისაა. ცენტრში ფუნქციონირებს, ბავშვთა ამბულატორია და ხელმისაწვდომია პედიატრის, კარდიოლოგის, ნევროლოგის, რევმატოლოგის, ოფთალმოლოგის, ოტორინოლარინგოლოგის, ტრავმატოლოგის, ჰემატოლოგის სრული მომსახურება, კლინიკაში სრული დატვირთვით ფუნქციონირებს ზოგადი ქირურგია.

„კომერსანტი“ დეტალებისთვის „ნიუ ჰოსპიტალსის“ ბავშვთა ჯანმრთელობის ცენტრის ხელმძღვანელს, დავით ციბაძეს დაუკავშირდა. მისი განცხადებით ცენტრში ხელმისაწვდომია სრული პედიატირული მომსახურება და ფუნქციონირებს გადაუდებელი სამედიცინო დახმარების განყოფილება, რომელსაც ნებისმიერი სიმძიმის პაციენტის მიღება შეუძლია.

„ბავშვთა ჯანმრთელობის ცენტრში“ გვაქვს თანამედროვე აღჭურვილობა, მაგალითად ერთ-ერთი ასეთია „ვენა ფაინდერი“ ანუ  მოწყობილობა, რომელიც ვენას ეძებს და რომლის საშუალებითაც პერიფერიული ვენის კათეტერიზაცია ძალიან იოლდება. პროცედურა ემლას გამოყენებისას აბსოლუტურად უმტკივნეულოა და ემოციურად ცვლის პატარას განწყობას. განსაკუთრებული შემთხვევების დროს ვიყენებთ გლაიდოსკოპს, რომელიც გართულებული ინტუბაციისას გამოიყენება და მისი მეშვეობით პრობლემა ადვილად იჭრება.“ -  აღნიშნა დავით ციბაძემ.

რა დაავადებების ან ჯანმრთელობის მდგომარეობების შემთხვევაში უნდა მიმართონ მშობლებმა ცენტრს?

პედიატრიულ განყოფილებაში, სადაც წვანან როგორც ზედა სასუნთქი გზების ისე ნაწლავური ინფექციის მქონე ბავშვები, ასევე ბავშვები პოსტოპერაციული ქირურგიის დროს, გვაქვს ყველა მომსახურეობა დაწყებული ყბა-სახის ქირურგიიდან, დასრულებული ლაპარასკოპიული ქირურგიის ყველა მიმართულებით. ჩვენი უპირატესობა არის ის, რომ გაგვაჩნია ვენტილაციის უპრეცედენტო სისტემა, რაც გამოხატულია, იმაში რომ ყველა პალატაში უარყოფითი წნევაა და შესაბამისად ინფექციის გავრცელება ფაქტობრივად გამორიცხულია.

აღსანიშნავია, რომ ბავშვთა რეანიმაციულ განყოფილებაში ბავშვები მშობლის გარეშე არ არიან. მსგავსი განყოფილება საქართველოში არსად არ არის. რაც არ უნდა მძიმე მდგომარეობაში იყო პაციენტი, რეანიმაციაში იმყოფება დედის ან მამის თანხლებით. მნიშვნელოვანია, რომ მშობლების რეანიმაციაში ყოფნამ საწოლ დღეები და ბავშვთა განკურნების ხარისხი ძალიან შეამცირა დროში. აქ ფსიქოლოგიური სტრესი არ არის, რაც მშობლებს საშუალება ეძლევათ ბავშვის მკურნალობაში მიიღონ მონაწილეობა. მშობლები ძალიან გვეხმარებიან და გვერდზე გვიდგანან, როგორც ბავშვების დამშვიდებაში ასევე მკურნალობის შესრულებაში.

რა პედიატრიული სერვისებია ბავშვთა ჯანმრთელობის ცენტრში ხელმისაწვდომი - რა განყოფილებები ფუნქციონირებს?

რაც შეეხება სერვისებს, ჩვენთან მოდის ნებისმიერი სიმძიმის პაციენტი. 24 საათის განმავლობაში ფუნქციონირებს ბავშვთა გადაუდებელი დახმარების განყოფილება და კლინიკაში მუდმივად არის ბავშვთა ნევროლოგის, ნეიროქირურგის, ტრავმატოლოგის საჭიროებისამებრ ჩართულობის შესაძლებლობა. ჩვენთან საკმაოდ ხშირად მოჰყავთ საგზაო შემთხვევების და სიმაღლიდან ვარდნის შედეგად დაშავებული ბავშვები. გვყავდა რამდენიმე ბავშვი, რომლებიც მეორე და მესამე სართულიდან გადმოვარდნენ და საბედნიეროდ ყველა ამ პაციენტის მკურნალობა წარმატებით დასრულდა.

ამასთან, ფუნქციონირებს მოზრდილთა და ბავშვთა ხერხელმის ცენტრი, რომელიც ერთადერთი ცენტრია საქართველოში, სადაც ხორციელდება როგორც ბავშვთა, ასევე მოზრდილთა ხერხემლის ყველა სირთულის დეფორმაციისა და პათოლოგიის როგორც ოპერაციული, ასევე კონსერვატიული მკურნალობა თანამედროვე მეთოდებითა და ტექნოლოგიებით.

რაც ასევე ძალიან მნიშვნელოვანია, 24 საათის განმავლობაში შესაძლებელია კვლევების და ლაბორატორიული ანალიზების ჩატარება. უახლოეს მომავალში ფუნქციონირებას დაიწყებს ბავშვთა კარდიოქირურგიული სერვისი.

ბავშვთა ჯანმრთელობის ცენტრი საკმაოდ მჭიდროდ თანაშრომლობს უცხოეთის წამყვან კლინიკებთან. ყველა მძიმე პაციენტის ქეისს, რომელიც განსაკუთრებულ ყურადღებას საჭიროებს, ვაგზავნით ამერიკაში ჩვენს კოლეგებთან და ვიღებთ მათგან რეკომენდაციებს დიაგნოსტიკასა და მკურნალობის ტაქტიკის შესახებ.

რითია ცენტრი გამორჩეული? რატომ უნდა მიმართონ მშობლებმა ბავშვთა ჯანმრთელობის ცენტრს?

სულ რაღაც ორი წელია რაც ბავშვთა ჯანმრთელობის ცენტრმა ფუნქციონირება დაიწყო. ცენტრი შეიქმნა ევროპული სტანდარტების დაცვით და აღიჭურვა საუკეთესო, უახლესი სამედიცინო აპარატურით. ულტრათანამედროვე ტექნოლოგიები საშუალებას გვაძლევს მეტი სიზუსტით შესრულდეს სადიაგნოსტიკო პროცედურები. ამასთან, ცენტრი დაკომპლეტებულია მაღალკვალიფიციური მედპერსონალით, რომელიც ჩვენი პატარების ჯანმრთელობის სამსახურში უდიდესი გულისხმიერებით გამოირჩევა. მოგეხსენებათ, პედიატრიული სამსახურისთვის პაციენტის მშობლებთან უერთიერთობა უმნიშვნელოვანესია.

(R)