უკრაინაში ომის გაგრძელებას სექტემბრის თვეში, მობილიზაციის პერიოდში, რუსების მხოლოდ 34% უჭერდა მხარს. თუმცა მას შემდეგ რაც მობილიზაციის დასრულების შესახებ გაკეთდა განცხადება, ომის გაგრძელების მხარდამჭერთა მაჩვენებელი ნოემბერში 80%-მდე გაიზარდა. ამის შესახებ The Wall Street Journal-ი რუსეთის „საზოგადოებრივი აზრის ფონდის“ მიერ ჩატარებულ დახურულ გამოკითხვაზე დაყრდნობით წერს.
მობილიზაციით თავდაპირველი უკმაყოფილების მიუხედავად, კრემლის დახურული გამოკითხვები ვარაუდობს, რომ რუსები მზად არიან მოითმინონ მობილიზაციის კიდევ ერთი ტალღა, განუცხადა WSJ-ს კრემლის ყოფილმა ოფიციალურმა პირმა.
როგორც უცხოური მედია დასავლური დაზვერვის წყაროებზე დაყრდნობით წერს მოსალოდნელია, რომ კრემლმა ახალი მობილიზაცია გამოაცხადოს, მათ შორის დახურულ სოციოლოგიური კვლევების შედეგებზე დაყრდნობით.
რუსეთში მობილიზაციის მეორე ტალღის დროს შესაძლოა 500 000-მდე ადამიანი გამოიძახონ, განუცხადა WSJ-ს კრემლის ყოფილმა ოფიციალურმა პირმა.