გეგმიური სარემონტო სამუშაოებს გამო Nord Stream 1-ით გაზის მიწოდების შეწყვეტამ 11-დან 21 ივლისამდე ევროკავშირის ბაზარზე შესაძლოა ნედლეულის ფასები მნიშვნელოვნად გაზარდოს.
ასეთი პროგნოზები „იზვესტიასთან“ ინდუსტრიის ექსპერტებმა გააკეთეს. მათი შეფასებით, ევროპაში 1 ათასი კუბ/მ გაზი ფასი შესაძლოა 2200 დოლარამდე გაიზარდოს. 8 ივლისისთვის ევროპისთვის გაზის ტარიფი 1800 დოლარს შეადგენდა 1 ათას კუბ/მ-ზე.
„ჩვენ გავაგრძელებთ ჩვენი ევროპელი მეგობრებისა და მოკავშირეების მხარდაჭერას ენერგეტიკული ბაზრების სტაბილიზაციისთვის და ენერგომომარაგების გრძელვადიანი და მდგრადი გადაწყვეტილებების შემუშავებით“, - განუცხადა „იზვესტიას“ კანადის საგარეო საქმეთა სამინისტრომ.
ირკვევა, რომ ტურბინის დაბრუნება სწრაფად ვერ მოხდება - აღჭურვილობა ორიდან ოთხ კვირამდე პერიოდში დაუბრუნდება „გაზპრომს“, შემდეგ კი გაგრძელდება მისი ტესტირება ხანგრძლივი პერიოდით, რათა გაირკვეს, რამდენად სწორად შეკეთდა ის.
„ტურბინების გაშვებისა და SP-1-ის საპროექტო სიმძლავრის დაბრუნების რეალური დრო ორიდან სამ თვემდეა. ამიტომ, ევროპაში გაზის ფასების ზრდის რისკები რჩება, განაცხადა Univer Capital-ის აღმასრულებელმა დირექტორმა არტემ ტუზოვმა.