ნორვეგიის ხელისუფლება არ გასცემს ვიზებს რუსებზე, მაშინაც კი, თუ ისინი ქვეყანაში ნორვეგიული ორგანიზაციების მიერ არიან მიწვეული. რამდენიმე არასამთავრობო ორგანიზაციის წარმომადგენლისა და უფლებადამცველის თქმით, ბოლო თვეების განმავლობაში მათ ვერც ერთი ვიზა ვერ აიღეს, იტყობინება The Barents Observer.
გამოცემის ცნობით რუსი ხელოვანები ვერ დაესწრნენ და მომავალშიც ვერ ჩავლენ ნორვეგიაში სხვადასხვა ღონისძიებებზე.
ნორვეგიის მიგრაციის დეპარტამენტის დირექტორატმა (UDI) დაადასტურა, რომ რუსებისთვის ვიზების გაცემის წესები ეროვნულ დონეზე ჯერ კიდევ 2022 წლის მაისში გამკაცრდა.
„მაისის ბოლოდან „ნარინჯისფერი“ ჯგუფის ვიზიტორთა ვიზებზე განაცხადების დამუშავება მიმდინარეობს. როგორც წესი, ვიზები გაიცემა მშობლებზე, შვილებზე და მეუღლეებზე [ნორვეგიაში მცხოვრები პირების], ხოლო უფრო ხშირად უარს ეუბნებიან დედმამიშვილებს, შორეულ ნათესავებსა და შეყვარებულებს. ასევე უფრო რთული, მაგრამ არა შეუძლებელი იქნება ვიზის მიღება საქმიანი და კულტურული ვიზიტებისთვის. როგორც წესი, ტურისტებისთვის და მეგობრებთან სტუმრობისათვის განაცხადები უარყოფილი იქნება“, - განმარტავენ ნორვეგიის ხელისუფლებაში.