ამერიკულმა კორპორაციამ Nvidia წარმოადგინა ტექნოლოგია, რომლის საფუძველზე აპირებს, აამუშავოს მსოფლიოში ყველაზე სწრაფი სუპერ კომპიუტერი Eos. ამის შესახებ აღნიშნულია კომპანიის მიერ გავრცელებულ რელიზში.
„მოსალოდნელია, რომ Nvidia Eos ხელს შეუწყობს ხელოვნური ინტელექტის გამოთვლით წარმადობას 18,4 ეკზა-ფლოპსის დონეზე, რაც ოთხჯერ სწრაფია იაპონურ სუპერ კომპიუტერ Fugaku-ზე, რომლიც ამ დროისთვის მსოფლიოში ყველაზე სწრაფ კომპიუტერად ითვლება“, - წერია განცხადებაში.
კომპანიის მონაცემებით, სუპერკომპიუტერი მუშაობას უკვე წელს შეუდგება. განცხადებაში წერია, რომ სუპერ კომპიუტერი დაეხმარება მეცნიერებს შეისწავლონ კლიმატის მეცნიერება, ციფრული ბიოლოგია და ხელოვნური ინტელექტის მომავალი.
ფლოპსი - (FLoating-point Operations Per Second) ეს არის არასისტემური ერთეული, რომელიც გამოიყენება კომპიუტერების წარმადობის გასაზომად. ის აჩვენებს, რამდენ ოპერაციას ასრულებს სისტემა წამში. პეტა მინაწერი მიიღება არსებული ერთეულის 10-ზე გამრავლებით მე-15 დონეზე, ანუ ერთ კვადრილიონზე. ხოლო ეკზა მინაწერი 10-ჯერ გამრავლებით მე-18 დონეზე, ანუ ერთ კვინტილიონზე.