ეკონომიკური თანამშრომლობისა და განვითარების ორგანიზაციის (OECD) ქვეყნებში უმუშევრობის დონემ 2022 წლის დეკემბერში 4,9% შეადგინა და 33,5 მილიონს მიაღწია, რაც რეკორდულ დაბალი დონეა ზედიზედ ექვსი თვის განმავლობაში.

ქალებში უმუშევრობა დეკემბერში დაახლოებით 5,2%-ი იყო, მამაკაცებში - 4,7%. ახალგაზრდებში (15-დან 24 წლამდე) მაჩვენებელი არ შეცვლილა და 10,9%, უფროს თაობაში (25 წლის და ზემოთ) - 4,1%-მდე დაეცა ნოემბრის 4,2%-ის შემდეგ.

ევროზონაში უმუშევრობა დეკემბერში 6,6%-ზე დარჩა, ევროკავშირში - 6,1%-ზე. უმუშევრობის ყველაზე მნიშვნელოვანი კლება დაფიქსირდა ავსტრიაში (5%-მდე ნოემბრის 5,5%-დან).

აშშ-ში უმუშევრობა 3,6%-დან 3,5%-მდე შემცირდა, კანადაში - 5,1%-დან 5%-მდე. იმავდროულად, თურქეთში ის 10.3%-მდე გაიზარდა 10.2%-დან, სამხრეთ კორეაში - 3.3%-მდე 2.9%-დან.

იაპონიაში უმუშევარი მოსახლეობის წილი 2,6%-ის დონეზე დარჩა, ავსტრალიაში - 3,5%.

1961 წელს დაარსებული OECD არის ერთ-ერთი წამყვანი ეკონომიკური ორგანიზაცია მსოფლიოში, რომელიც მოიცავს 38 სახელმწიფოს. ამჟამად მასში შედის ავსტრალია, ავსტრია, ბელგია, დიდი ბრიტანეთი, უნგრეთი, გერმანია, საბერძნეთი, დანია, ისრაელი, ირლანდია, ისლანდია, ესპანეთი, იტალია, კანადა, კოლუმბია, კოსტა რიკა, ლატვია, ლიტვა, ლუქსემბურგი, მექსიკა, ნიდერლანდები, ახალი ზელანდია, ნორვეგია, პოლონეთი, პორტუგალია, სლოვაკეთი, სლოვენია, აშშ, თურქეთი, ფინეთი, საფრანგეთი, ჩეხეთი, ჩილე, შვეიცარია, შვედეთი, ესტონეთი, სამხრეთ კორეა და იაპონია. OECD-ის შტაბ-ბინა პარიზშია. ორგანიზაციის გენერალური მდივანია 2006 წლიდან ხოსე ანხელ გურია ტრევინიოა.