სამხრეთ აფრიკაში ჩატარებული კვლევის მიხედვით, ომიკრონის ვარიანტით გამოწვეული კორონავირუსული ინფექციების ძლიერი ტალღა, როგორც ჩანს, ნაკლებად იწვევს დაავადების რთულ მიმდინარეობას და ამასთან, დელტა ვარიანტისგან დაცვას უზრუნველყოფს.
გასული წლის ნოემბერ-დეკემბერში ომიკრონით ინფიცირებული ადამიანების ლაბორატორიულმა კვლევამ, აჩვენა, რომ ისინი, ვინც დელტა ვარიანტით იყვნენ ინფიცირებული, შეიძლება ომიკრონით კვლავ დაავადდნენ, ხოლო ისინი, ვინც ომიკრონის შტამით დაინფიცირდნენ, დელტა ვარიანტით აღარ ავადდებიან, განსაკუთრებით თუ ვაქცინირებულები იყვნენ. მკვლევრები ამბობენ, რომ არავაქცინირებულების დაცვის ხარისხი გაურკვეველი იყო.
მიუხედავად იმისა, რომ დელტასთან შედარებით, ომიკრონი მნიშვნელოვნად უფრო ინფექციურია, სხვადასხვა ქვეყანაში, მათ შორის, სამხრეთ აფრიკაში, სადაც ომიკრონით გამოწვეული ტალღა პირველად დაფიქსირდა, ჩანს, რომ ის იწვევს ნაკლებად მძიმე დაავადებას.
აფრიკის ჯანმრთელობის კვლევითი ინსტიტუტის მკვლევრები აცხადებენ, რომ ომიკრონს დელტას ჩანაცვლება შეუძლია.
”ასეთი ჩანაცვლების შედეგები დამოკიდებული იქნება იმაზე, არის თუ არა ომიკრონი მართლაც ნაკლებად პათოგენური დელტასთან შედარებით. თუ ასეა, მაშინ Covid-19-ის მძიმე დაავადების სიხშირე შემცირდება და ინფექცია შეიძლება გახდეს უფრო ნაკლებად ხელის შემშლელი ადამიანებისა და საზოგადოებისთვის",- ამბობენ მკვლევრები.
აღსანიშნავია, რომ კვლევას სამეცნიერო შემოწმება ჯერ არ გაუვლია.
„ჯანდაცვის მსოფლიო ორგანიზაციის“ მთავარი მეცნიერის, სუმია სვამინათანის თქმით, კვლევა ცხადყოფს, რომ ომიკრონი უზრუნველყოფს დელტასგან დაცვას, მაგრამ ეს მხოლოდ ვაქცინირებულ ადამიანებს ეხება.
წყარო: Bloomberg, „ბიზნეს ფორმულა“