უკრაინის მინისტრთა კაბინეტმა ომის გამო უკრაინის ეკონომიკას მილიარდობით ზიანი უკვე დაითვალა.
როგორც ქვეყნის პრემიერ-მინისტრმა დენის შმიგალმა აღნიშნა, დანაკარგები ყოველდღიურად იზრდება. მისი თქმით, რუსეთის ფედერაციის მიერ გაჩაღებულმა სრულმასშტაბიანმა ომმა უკრაინის ეკონომიკას 600 მილიარდი დოლარის ოდენობის ზიანი მიაყენა. ომის ყოველი დღე მატულობს დანაკარგების რაოდენობა.
ამის შესახებ პრემიერ-მინისტრმა დენის შმიგალმა დავოსში მსოფლიო ეკონომიკურ ფორუმზე განაცხადა.
მან აღნიშნა, რომ უკრაინა რამდენიმე ეტაპად უნდა აღდგეს.
„პირველი არის 200-ზე მეტი ქარხნისა და მსხვილი საწარმოს, 12 აეროპორტის და 1000-ზე მეტი საგანმანათლებლო დაწესებულების, ასევე თითქმის 300 ხიდისა და ესტაკადის აღდგენა, რომლებიც დაზიანდა, განადგურდა ან დაიპყრო რუსეთის უკრაინის წინააღმდეგ ომის გამო საომარი მოქმედებების შედეგად, “ - თქვა შმიგალმა.
ამასთან, მან აღნიშნა, რომ უკრაინაში, საომარი მოქმედებების გამო, დაზიანდა დაახლოებით 25 ათასი კილომეტრი გზა, განადგურდა 40 მილიონი კვადრატული მეტრი და ა.შ., რაც არ არის საბოლოო დანაკარგი.
19 მაისის მდგომარეობით, უკრაინის ინფრასტრუქტურის პირდაპირი დოკუმენტირებული ზარალის ჯამური ოდენობა თითქმის 97,4 მილიარდი დოლარია, ანუ 2,9 ტრილიონი გრივნა.
ომი
