გასული წელი სმარტფონების ბაზრისთვის მარტივი არ გამოდგა. ევროპაში გაყიდვები 17%-ით შემცირდა. მაგრამ ცალკეული ბრენდებისთვის კიდევ უფრო მეტი პრობლემა იყო, განსაკუთრებით ჩინური BBK Electronics-ისთვის. მაგალითად, OPPO-ს გაყიდვები ევროპის რეგიონში მეოთხე კვარტალში 39%-ით დაეცა. ამის შესახებ Mezha.Media წერს.

დამატებითი სირთულეები შეუქმნა OnePlus-სა და OPPO-ს საპატენტო სამართალწარმოებამ, რამაც შეაჩერა ბრენდების პროდუქციის გაყიდვები გერმანიაში. ასეთივე სარჩელებმა დიდ ბრიტანეთში, ფინეთში, შვედეთსა და ნიდერლანდებშია სმარტფონების გაყიდვაზე გავლენა არ მოუხდენიათ.

გამოცემა 36Krypton-ის წყაროებზე დაყრდნობით იუწყება, რომ კომპანიები ევროპის ზოგიერთი ქვეყნიდან გასვლას აპირებენ. ეს ეხება მინიმუმ გერმანიას, დიდ ბრიტანეთს, საფრანგეთსა და ნიდერლანდებს.

კომპანიები ამ ინფორმაციას არ ადასტურებენ. მათ განცხადებით, OnePlus არ აპირებს ევროპისა და დიდი ბრიტანეთის დატოვებას და შეინარჩუნებს სტაბილურ ოპერაციებს ადგილობრივ ბაზრებზე. რაც შეეხება OnePlus-ს, კომპანია გააგრძელებს ინვესტიციებს ევროპაში და მიაწვდის უფრო ინოვაციურ პროდუქტებსა და გადაწყვეტილებებს თავის მომხმარებლებს.