ნავთობის ექსპორტიორი ქვეყნების ორგანიზაცია (ოპეკი/OPEC) პროგნოზირებს ნავთობზე მსოფლიო მოთხოვნილების შემცირებას მომდევნო 25 წლის განმავლობაში.
"უახლოესი წლების განმავლობაში მოთხოვნილება გაიზრდება, მიაღწევს პიკს და შემდეგ კლებას დაიწყებს. ეს მოხდება, კერძოდ, ელექტრო ტრანსპორტის გამოყენებაზე გადასვლის გამო, იუწყება “ნავთობპროდუქტების იმპორტიორთა კავშირი”, - ასეთი პროგნოზია მოცემული "ოპეკის" ანგარიშში, რომელიც გამოქვეყნებულიამის ვებ-გვერდზე.
ანგარიშში ნათქვამია, რომ 2021-2025 წლებში ნავთობზე მოთხოვნილება გაიზრდება – მისი წილი ენერგომატარებლების გლობალურ მოხმარებაში 31%-ს მიაღწევს. 2026 წლისთვის შავ ოქროზე მოთხოვნილება მიაღწევს 104,4 მილიონ ბარელს/დღეში.
თუმცა, 2026 წლის შემდეგ, ნავთობზე მოთხოვნილება პიკზე გავა და 2035 წლისთვის შენელდება, რის შემდეგაც იგი შემცირებას დაიწყებს. ეს მოხდება, კერძოდ, ელექტრო ტრანსპორტის გამოყენებაზე გადასვლის გამო, თვლიან ოპეკში. ორგანიზაციის პროგნოზის თანახმად, 2045 წლისთვის ელექტრომანქანების წილი შეადგენს მსოფლიო ავტოპარკის თითქმის 20%-ს.
გარდა ამისა, ოპეკში მიიჩნევენ, რომ 2045 წლისთვის ბუნებრივ აირზე მოძრავი ავტომობილების რაოდენობა გაიზრდება 80 მილიონი ერთეულით, ხოლო შიდა წვის ძრავით მოძრავი ტრანსპორტის წილი 76%-მდე შემცირდება.
წყარო: "ენერგონიუსი"