ოქტომბერში საქართველომ რუსეთიდან 109 158 საერთაშორისო ვიზიტორი მიიღო, რაც 274,4%-ით მეტია გასული წლის ოქტომბრის მონაცემებზე და 2411,7%-ით მეტი 2020 წილის ოქტომბრის მაჩვენებლებზე.
სტატისტიკური მაჩვენებლების მიხედვით 2019 წლის ოქტომბერში რუსეთიდან საქართველოში 118 252 საერთაშორისო ვიზიტორი შემოვიდა, 2020 წლის ოქტომბერში კი 4 346 საერთაშორისო ვიზიტორი, 2021 წლის ოქტომბრის სტატისტიკით კი 29 159 საერთაშორისო ვიზიტორი.
შესაბამისად, აღნიშნული სტატისტიკური მაჩვენებლების მიხედვით, მიმდინარე წლის ოქტომბერში პანდემიამდელ ოქტომბერთან შედარებით რუსეთიდან საქართველოში შემოსული საერთაშორისო ვიზიტორების მაჩვენებელი 92,3%-ითაა აღდგენილი.
აღსანიშნავია, რომ 2022 წლის ოქტომბერში საქართველოში 498,477 საერთაშორისო მოგზაურის ვიზიტი შედგა, ზრდა 2021 წლის ოქტომბერთან შედარებით +125.9%-ია, 2019 წლის ანალოგიურ პერიოდთან შედარებით საერთაშორისო მოგზაურთა ვიზიტები 63.7%-ით აღდგა.
ტურისტული ვიზიტების აღდგენის კუთხით პოზიტიური ტენდენციაა ოქტომბერშიც.
2022 წლის ოქტომბერში საქართველოში 344,595 საერთაშორისო ტურისტული ვიზიტი შედგა, ზრდა 2021 წლის ანალოგიურ პერიოდთან შედარებით +82.6%-ს შეადგენს. 2019 წლის ანალოგიურ პერიოდთან შედარებით საერთაშორისო ტურისტული ვიზიტების 78.5% აღდგენილია.
2022 წლის 10 თვეში საქართველოში 4,391,082 საერთაშორისო მოგზაურის ვიზიტი შედგა, 2021 წლის ანალოგიურ პერიოდთან შედარებით ზრდა +188.5%-ს შეადგენს. 2019 წლის იანვარი-ოქტომბრის მონაცემებთან შედარებით საერთაშორისო მოგზაურთა ვიზიტების აღდგენის მაჩვენებელი 54.8%-ია.
რუსი ტურისტები
