კომპანია თბილისი ენერჯი ბუნებრივი გაზის კუსტარული დანადგარების ქსელიდან ჩახსნის შესახებ სტატისტიკურ ინფორმაციას ავრცელებს. 

კომპანიაში აცხადებენ, რომ 2022 წლის ოქტომბერში თბილისი ენერჯის სპეციალისტებმა დედაქალაქის მასშტაბით 1390 კუსტარული და მკვლელი გაზის დანადგარი ჩახსნეს საცხოვრებელი ბინებიდან. საუბარია ღია კამერიან წყლის გამაცხელებლებზე ე.წ. კალონკებსა და სხვა კუსტარულად დამონტაჟებულ გაზის დანადგარებზე. 

ეს ნიშნავს რომ ასეულობით ოჯახი co-თი (ცეო) ინტოქსიკაციას და და ყველაზე მძიმე შემთხვევაში სიკვდილს გადარჩა. თბილისი ენერჯი გთხოვთ გამოიჩინოთ მაღალი პასუხისმგებლობა საკუთარი ოჯახის და მეზობლების უსაფრთხოებკისთის. დაიცავით გაზის უსაფრთხო მოხმარების აუცილებელი წესები (უსაფრთხოების შესახებ აუცილებელი წესები იხილეთ კომპანიის ვებგვერდზე te.ge,  ასევე ფეისბუქის ოფიციალურ გვერდზე) 

აქვე ვავრცელებთ თბილისის ყველაზე საშიში უბნების სტატისტიკას გაზის კუსტარული დანადგარების მოხმარების და ჩახსნის მონაცემებით სადაც პირველ ადგილზეა ისანი სამგორი ვაზისუბანი , ამ უბნებში ჯამში 517 კუსტარული დანადგარი ჩახსნეს თბილისი ენერჯის სპეციალისტებმა. მათი დიდი ნაწილი განმელორებით ჩაიხსნა-, აცხადებენ კომპანიაში.

(R)