2021 წლიდან დღემდე ეროვნულმა ბანკმა 181 საზედამხედველო სუბიექტი დააჯარიმა, მათ შორის 11 კომერციული ბანკი და 32 მიკროსაფინანსო ორგანიზაცია.
სებ-ის ინფორმაციით, მარეგულირებელი რეგულარულად ამოწმებს საფინანსო სექტორის წარმომადგენლებს. შემოწმების შედეგად, ფინანსური ინსტიტუტისთვის განისაზღვრება შესაბამისი რეკომენდაციები და გასატარებელი ღონისძიებები. საფინანსო სექტორის წარმომადგენელს, საზედამხედველო ზომის სახით, შესაძლოა ასევე ფულადი ჯარიმაც დაეკისროს. ფინანსური ინსტიტუტების მიმართ საქართველოს ეროვნული ბანკის მიერ სანქციების დაწესება მიზნად ისახავს მათი შიდა კონტროლის მექანიზმების გაუმჯობესებას.
2021 წლიდან დაჯარიმებულ 181 საზედამხედველო სუბიექტებს შორისაა:
- კომერციული ბანკი 11 (მათ შორის „იშბანკი“, „ლიბერთი“, „თიბისი“, „ზირაათ ბანკი“, „ვითიბი“, „პროკრედიტი“, „კრედო“, „პაშა ბანკი“, სილქ ბანკი“, „ტერაბანკი“ და „ქართუ“);
- საგადახდო მომსახურების პროვაიდერი 12;
- საბროკერო კომპანია 5;
- მიკროსაფინანსო ორგანიზაცია 32;
- ფასიანი ქაღალდების რეგისტრატორი 3;
- სესხის გამცემი სუბიექტი 6;
- ვალუტის გადამცვლელი პუნქტი 112.
ჯარიმა
