ცნობილი გახდა, რომ ოზონის შრე, სადაც კიბოს გამომწვევი ულტრაიისფერი სხივებია, აღდგენის გზაზეა და 40 წელიწადში შეიძლება ძველ მდგომარეობას დაუბრუნდეს. ამის შესახებ ინფორმაციას trt.net.tr/ ავრცელებს.

ოზონის შრის დაშლა პირველად 1970-იან წლებში დაფიქსირდა და მისი გამომწვევი ქიმიკატების თანდათან ხმარებიდან ამოღება მონრეალის საერთაშორისო პროტოკოლით დაიწყეს, რომელიც 1987 წლის 16 სექტემბერს გაფორმდა და ძალაში 1989 წელს შევიდა.

გაერთიანებული ერების ორგანიზაციის მიერ მხარდაჭერილმა ექსპერტთა საბჭომ გუშინ ამერიკის მეტეოროლოგიური საზოგადოების 103-ე ყოველწლიურ შეხვედრაზე წარმოადგინა შეფასების ანგარიში, რომელიც ქვეყნდება 4 წელიწადში ერთხელ და მოიცავს ზომებს „ოზონის დამშლელი ნივთიერებების“ შესახებ.

მოხსენების თანახმად, მონრეალის პროტოკოლმა იმუშავა, ოზონის დამშლელი ნივთიერებების დაახლოებით 99 პროცენტის ეტაპობრივად ხმარებიდან ამოღებით წარმატება იქნა მიღწეული ოზონის ფენის დაცვაში.

აღინიშნა, რომ ოზონის შრის შესამჩნევი გაუმჯობესება მოხდა ზედა სტრატოსფეროში და შემცირდა ადამიანზე მზის მავნე ულტრაიისფერი (UV) სხივების ზემოქმედება.

თუ ამჟამინდელი პოლიტიკა გაგრძელდება, მოსალოდნელია, რომ 40 წლის განმავლობაში ოზონის ფენა 1980 წლის ნიშნულს (სანამ ოზონის ხვრელი გამოჩნდებოდა) დაუბრუნდება.

ვარაუდობენ, რომ ეს ცვლილება ხელს შეუშლის 2100 წლისთვის დედამიწაზე 0,3-დან 0,5 გრადუსამდე დათბობას.