"პანდემიის შემდეგ სამუშაოს მაძიებელთა რიცხვი შემცირებულია და კომპანიიდან გადინება გაზრდილია" - ამის შესახებ რადიო „კომერსანტის“ გადაცემაში, „კომერსანტის დილა“ დასაქმების სააგენტო ეიჩარის რეგიონულმა მენეჯერმა ინგა შახბაზიანმა ისაუბრა.

მისი თქმით თუ პანდემიამდე თუ ერთ ვაკანსიაზე 50 - მდე რეზიუმე შედიოდა დამსაქმებელს, დღეს ეს მაჩვენებელი ათჯერ ნალებია.

„ეს არ არის განპირობებული არც საიტების რეიტინგით, არც ვაკანსიის გავრცელების არეალით, ზოგადად მოთხოვნა დაკლებულია, კონკურენცია დიდია, დღეს სამუშაოს მაძიებლები, მეტნაკლებად უფრო არჩევენ ვაკანსიებს, უყურებენ სამუშაო პირობებს, მოთხოვნა და ისე აკეთებენ არჩევანს და აგზავნიან სივს.

რა თქმა უნდა გვაქვს კადრების დეფიციტი და ეს ყველაზე მწვავედ ეხება ჰორეკა სექტორს, იმიტომ რომ ჰორეკა სექტორი ყველაზე მტკივნეულად აღიქვამს ამ პრობლემას, მთელი სეოზნის მანძილზე ვერ ახერხებდნენ კადრების დაკომპლექტებას და ამაზე ძალიან ბევრი ორგანიზაცია საუბრობდა“, - აღნიშნა ინგა შახბაზიანმა.

შახბაზიანის თქმით მიმდინარე წლის შემოდგომაზე სექტემბრიდან ვაკანსიების განთავსება გააქტიურებულია, რაც ნოემბრის ბოლომდე გაგრძელდება და დეკემბრიდან მოსალოდნელია კლება.

„ვაკანსიების რაოდენობას რაც შეეხება, hr.ge—  ზე ყოველდღიუად 300-დან 400-მდე ვაკანსია თავსდება , თუმც ა სამუშაოს მაძიებლებს რაც შეეხება, 70- დან 120-მდე რეგისტრირებული მაძიებელი გვყავს დღიურად. თვითონ საიტზე შემომსვლელი დაახლოებით 24 000-დან 34 00 მდე მომხმარებელი მერყეობს.

პანდემიამდელ პერიოდში 200- მდ ე ადამიანი რეგისტრირდებოდა დღიურად, დაახლოებით პანდემიამდელ მაჩვენებელთან შედარებით სამუშაოს მაძიებელთა რეგისტრაციის 30% იანი კლება გვაქვს. თუმცა საიტზე შემომსვლელების რაოდენობა ფაქტორბივად არ შეცვლილა“, - აღნიშნა ინგა შახბაზიანმა.

რაც შეეხება მოთხოვნად პროფესიებს, ინგა შახბაზიანი აცხადებს, რომ ყველაზე მოთხოვნადი მაინც გაყიდვების მიმართულებაა , შემდეგ ჰორეკა სექტორი, სასტუმრო რესტორანი და კვების მიმართულება, შემდეგ არის საბანკო და საფინანსო სფერო, შემდეგ სამედიცინო და შემდეგ IT მიმართულება, მისივე თქმით რეალურად სურათი უცვლელია და პირველ ადგილზე მაინც გაყიდვებია.

რაც შეეხება ანაზღაურებას , ინგა შახბაზიანი აცხადებს, რომ ბევრი კომპანია ანაზღაურების წინასწარ გაცხადებისგან ტავს იკავებს, თუმცა ტენდენცია მაინც დადებითისკენ მიდის და დღეს უკვე 30-40 % უთითებს ანაზღაურებას და რითეილ სფეროში შეინიშნება მატება და კომპანიების დიდმა ნაწილმა 20-30% ით გაზარდა ანაზღაურება.