პანდემიაში გახსნილი 8 მაცივრიანი მეურნეობა - სომა მაცივარი, პანდემიის შემდეგ რამდენად შეძლებს მუშაობას, პარტნიორი ბანკის კეთილ ნებაზეა, რომელმაც 1 წლიანი გადავადების შემდეგ, მსესხებელს და თანამსესხებელს ვალდებულების გასტუმრება უკვე შეახსენა.
სომა მაცივრის დამფუძნებელი (50%-იანი მეწილე) მამუკა მიქაშავიძე მიიჩნევს, რომ ₾ 2. 3 მლნ -იან საინვესტიციო პროექტს ახლა კრიზისგეგმა სჭირდება და თანმიმდევრული პოლიტიკა, სახელმწიფო პროგრამის ფარგლებში.
პანდემიის კრიზისის და ლოქდაუნის გარდა, რამაც კლიენტების აქტივობა გაანულა, გასათვალისწინებელია გაძვირებული ელექტროენერგიაც, რაც დანახარჯებს ზრდის და შესაბამისად მომსახურებას აძვირებს. მამუკა მიქაშავიძის თქმით, 11 თეთრით, 32 თეთრამდე გაძვირების გამო, ₾1 800 -ის ნაცვლად ₾3 600 -ის გადახდა უწევს. მეურნეობა, რომელსაც მუდმივი დენი ესაჭიროება და 6 თვის განმავლობაში დენის წყაროდან 1 საათიც არ გამორთულა, გახსნის დღიდან (მარტიდან ) 1/2 სიმძლავრით (4 მაცივრით) მუშაობს.
გამოსავალი ისევ ბიზნესმა გამონახა, მაცივრებში კახელების ხილ-ბოსტნეულია და მხარეთა შეთანხმებით ელექტროენერგიის საფასურსაც ის იხდის. მამუკა მიქაშავაძის თქმით, მომსახურების ფასის განულების შეღავათი ფორსმაჟორის გათვალისწინებითაა და ასე იქცევა სხვა ბიზნესიც საიჯარო და სხვა თანხებზე.
მისივე ინფორმაციით, თებერვალში, პარტნიორი თიბისი ბანკის რისკის ოფიცერმა გადავადებული ვალდებულებების დაფარვა მოითხოვა. სოფლის განვითარების სააგენტოს ბენეფიციარი კომპანიის მფლობელს მიაჩნია, რომ სააგენტომ საკითხი მთავრობასთან უნდა გაარკვიოს, მთავრობამ კი ბანკთან. რადგან კერძო სექტორი, 1 წლიანი ლოქდაუნის შემდეგ, ბიზნესის ამუშავებას, თანამშრომელთა დაკმაყოფილებას, კრიზისთან გამკლავებასთან ერთდროულად, გადავადებული დავალიანების გასტუმრებას ვერ შეძლებს.
მამუკა მიქაშავიძის ინფორმაციით, $ 578,000 ღირებულების პროექტში, სოფლის განვითარების სააგენტოს თანადაფინანსება 232 000 აშშ დოლარია და $289 000 მოცულობის 11%-იანი (წლიური განაკვეთი) შეღავათიანი აგროკრედიტი, პროცენტის 10%-იანი თანადაფინანსებით.
„სოფლის განვითარების სააგენტოსთვის პრიორიტეტია აღნიშნული ტიპის ინფრასტრუქტურის შექმნა. აგრარული წარმოების ღირებულებათა ჯაჭვში, უმნიშვნელოვანესია მოსავალის დროული დასაწყობება და შესაბამის პირობებში შენახვა. სახელმწიფოს მხრიდან, მომავალშიც არაერთი მსგავსი ტიპის პროექტი იქნება მხარდაჭერილი“, - განაცხადა პრეზენტაციაზე სოფლის განვითარების სააგენტოს დირექტორმა, ილია თამარაშვილმა.
მამუკა მიქაშავიძეს, დაფინანსების გარეშე, წარმოების ჯაჭვის შენარჩუნება ეეჭვება, აგრაგრულ სექტორში და სხვა პროფილის ბიზნესებშიც. განსაკუთრებით მცირე საწარმოებს გაუჭირდება.
თავად ხამანწკების სეზონი დაუდგა. კონცეფციით ადგილობრივი ინვესტორი უკეთესია, ის რამდენიმე საწარმოს ამუშავებს (ზღვის პროდუქტების მეურნეობა და პროდუქტების შოკური გაყინვა).
GBC