„პანორამა თბილისის“ სამშენებლო პროცესი დაგეგმილ ვადაში დასრულდება. პანდემიის გამო რამდენიმე კვირით გაჩერებული მშენებლობის მიუხედავად, პროექტის ერთ-ერთი ნაწილი  სასტუმრო Luxury Collection-ი,  რომელიც თავისუფლების მოედანზე მდებარეობს, 2021 წელს დასრულდება.  სოლოლაკის მაღლობზე მდებარე  სასტუმრო და საკონვენციო ცენტრი  Autograph Collection-ი  და ერეკლეს მოედანზე განთავსებული  სასტუმრო და საოფისე შენობა კი 2023 წელს.

„კომერსანტი“ დაინტერესდა რა ეტაპზეა სამშენებლო სამუშაოები და კითხვით თანაინვესიტრების ფონდს  მიმართა,სადაც განგვიცხადეს, რომ სამივე პროექტზე  სამუშაო პროცესი  შეუფერხებლად მიმდინარეობს. 

„თავისუფლების მოედანზე მდებარე სასტუმრო მარიოტის უმაღლესი კლასის ბრენდის Luxury Collection-ის  სასტუმროს მშენებლობა დასკვნით ეტაპზეა. სასტუმროში იქნება ექვსი კატეგორიის 220 ნომერი, საკონფერენციო, შეხვედრების ოთახები,A კლასის საოფისე და კომერციული ფართები, სპა,ფიტნეს ცენტრი და საცურაო  აუზი. სასტუმრო თავისუფლების მოედანთან, საბაგირო გზით დაუკავშირდება სასტუმრო სოლოლაკს,შემდეგ კი    თაბორის სასტუმროსა და გოლფ კლუბს . კომპლექსს ასევე ექნება მიწისქვეშ ა ავტოსადგომი.პროექტის საინვესტიციო მოცულობა 106 მლნ აშშ დოლარია და მისი დასრულება 2021 წელს იგეგმება“,-განაცხადეს „თანაინვესტირების  ფონდში“.

 პროექტ  „პანორამა თბილსის“   მეორე ნაწილი  სოლოლაკის მაღლობზე  მდებარე სასტუმრო და საკონვენციო ცენტრი Autograph Collection, რომელიც 3000 ადამიანზეა გათვლილი პირველ სტუმარს 2023 წელს მიიღებს.

„Autograph Collection-ი, რომლის მშენებლობა სოლოლაკის ქედზე მიმდინარეობს, მარიოტის საერთაშორისო ქსელის უმაღლესი კლასის 5 ვარსკვლავიანი სასტუმროა. ის 190 ნომრისგან შედგება და 3000 ადამიანზეა გათვლილი. აღნიშნული პროექტის მიზანია საქართველოში MICE ტურიზმის განვითარება,რომელიც ყველაზე პერსპექტიული მიმართულებაა და სწორედ ამიტომ, ძალიან დიდ როლს ითამაშებს ქვეყნის ეკონომიკური განვითარების ჭრილში.პროექტის ჯამური საინვესტიციო ღირებულება 112 მლნ აშშ დ ოლარია და მისი მშენებლობა 2023 წელს დასრულება.“- აღნიშნეს ფონდში.

 „პანორამა თბილსის“ მესამე ნაწილი,  ერეკლეს მოედანზე  სასტუმრო და საოფისე შენობაა,რომლის  განხორციელება საქართველოს ტურიზმის განვითარების ფონდის ფარგლებში იგეგმება. 5,000 კვ.მ მდებარე  საოფისე შენობა  და 150 ნომრიანი სასტუმროს  საინვესტიციო ღირებულება  36 მლნ.  აშშ დოლარია. დასრულების დრო კი 2023 წელი.

 შეგახსენებთ, რომ „პანორამა თბილისის“ მშენებლობა 2014 წელს დაიწყო. მას თანაინვესტირების ფონდი ახორციელებს. პროექტის ჯამური ღირებულება $360 მლნ-ს შეადგენს და 3 ნაწილისგან შედგება.

ნათია ლომიძე