პარიზის გალერეის Belle et Belle-ის მფლობელებს პატიმრობა მიუსაჯეს და ხელოვნების სფეროში საქმიანობა ხუთი წლით აუკრძალეს მას შემდეგ, რაც საფრანგეთში მოსამართლემ ისინი პიკასოს ათობით მოპარული პრინტისა და ნახატის გაყიდვაში ცნო დამნაშავედ.

18 ნოემბერს გალერეის მფლობელები ენ და ჰერბერტ პფეფერები სასამართლომ დამნაშავედ ცნო პიკასოს ნამუშევრების ყიდვასა და გადამალვაში, რომლებიც  პიკასოს ქალიშვილებს, გალერისტ ეიმე მაეტისა და ჟაკლინ პიკასოს მოჰპარეს. ინფორმაციას Artnews-ის ავრცელებს.

ფოტოზე ჟაკლინ პიკასო

გამოძიების შემდეგ გაირკვა, რომ 10 წლის წინ ფრედერიკ „ფრედი“ მიუნხენბახმა, პიკასოსა და მაეტის პირადი გასაღებებით ისარგებლა და 2006-დან 2008 წლებში მათი სახლებიდან პიკასოს არაერთი ნამუშევარი მოიპარა.

Art Newspaper-ის ინფორმაციით, 2006-2008 წლებში, მიუნხენბახმა პიკასოს ქალიშვილების სახლებიდან, 13,8 მილიონ დოლარზე მეტი ღირებულების, პიკასოს სულ მცირე 553 ნახატი და პრინტი მოიპარა.

2011 წელს მიუნხენბახი ქურდობის ბრალდებით ოთხი თვით დააკავეს. მიუხედავად იმისა, რომ მან ჩადენილი დანაშაული აღიარა, საბოლოოდ გაათავისუფლეს, რადგან ამ დანაშაულის ხანდაზმულობის ვადა გასული იყო.

სასამართლო პროცესის დროს გალერისტებმა დანაშაული უარყვეს, მაგრამ სასამართლომ დაადგინა, რომ წყვილმა კარგად იცოდა, რომ მათ მიერ გაყიდული ან დამალული სურათები მიუნხენბახი მიერ მოპარული პიკასოს შედევრები იყო.

მოამზადა მაკა ბიბილაშვილმა